د هېواد په ۳۴ ولایتونو کې د غنمو ۶۱۴ ننداریزې کروندې جوړې او پلې شوې

qiam_amin
سه‌شنبه ۱۴۰۵/۸/۲۶ - ۱۴:۵۶
د هېواد په ۳۴ ولایتونو کې د غنمو ۶۱۴ ننداریزې کروندې جوړې او پلې شوې

۲۶ لړم ۱۴۰۵ هـ.ش

۶ جُمَادَى الثانی ۱۴۴۸ هـ.ق

د کرنې، اوبولګولو او مالدارۍ وزارت د کرنیزو ترویج عمومي ریاست د غله‌جاتو او صنعتي نباتاتو د پراختیا ریاست د ۱۴۰۵ کال د پراختیایي او ترویجي پروګرامونو په چوکاټ کې د هېواد په ۳۴ ولایتونو کې د غنمو ۶۱۴ ننداریزې کروندې جوړې او پلې کړې دي.

دغه ننداریزې کروندې د غنمو د تولید د کچې لوړولو، د اصلاح شویو تخمونو د معرفي کولو، د نوې کرنیزې ټکنالوژۍ د دودولو او د کتاري کرنې د لاروچارو د ترویج په موخه جوړې شوې دي، څو بزګران د غنمو د تولید له کم‌لګښته او اقتصادي لارو چارو سره بلد شي.

د یاد پروګرام د پلي کېدو په لړ کې د هرې ننداریزې کروندې لپاره د غنمو اصلاح شوي تخمونه، د «ډي‌اې‌پي» کیمیاوي سره، د یوریا سره او د کتاري کرنې د طریقې د پلي کولو اړین وسایل او امکانات په پام کې نیول شوي دي. دغه توکي او امکانات د ولایتونو د کرنې ریاستونو له لارې بزګرانو ته ورکړل شوي، څو هغوی په عملي توګه د کرنې له معیاري لارو چارو سره بلد شي او پایلې یې له دودیزو کرنیزو طریقو سره پرتله کړي.

د دغو ننداریزو کروندو د جوړولو او پلي کولو بهیر د مرکزي تخنیکي ټیمونو او د ولایتونو د کرنې ریاستونو د کارکوونکو په حضور او څارنه کې ترسره شوی دی. ترڅنګ یې هڅې شوې دي، چې د اصلاح شویو تخمونو او نوې کرنیزې ټکنالوژۍ د منلو په برخه کې د بزګرانو د پوهاوي او باور کچه لوړه شي.

د کرنې، اوبولګولو او مالدارۍ وزارت د ورته ترویجي پروګرامونو په پلي کولو سره هڅه کوي، چې په هېواد کې د غنمو د تولید کچه لوړه، د کرنیزو محصولاتو کیفیت ښه، د تولید لګښتونه کم او د کرنې د معیاري لارو چارو کارونه پراخه کړي.

تازه ترین اخبار

سه‌شنبه ۱۴۰۵/۸/۲۶ - ۱۴:۵۶
Background image

د هېواد په ۳۴ ولایتونو کې د غنمو ۶۱۴ ننداریزې کروندې جوړې او پلې شوې

۲۶ لړم ۱۴۰۵ هـ.ش

۶ جُمَادَى الثانی ۱۴۴۸ هـ.ق

د کرنې، اوبولګولو او مالدارۍ وزارت د کرنیزو ترویج عمومي ریاست د غله‌جاتو او صنعتي نباتاتو د پراختیا ریاست د ۱۴۰۵ کال د پراختیایي او ترویجي. . .

سه‌شنبه ۱۴۰۵/۸/۲۶ - ۱۴:۵۳
Background image

د میدان وردګو جلریز ولسوالی په بېلابېلو سیمو کې د کرنیزو او پراختیایي پروژو چارې په چټکۍ روانې دي

۲۶ لړم ۱۴۰۵ هـ.ش

۶ جُمَادَى الثانی ۱۴۴۸ هـ.ق

د میدان وردګو ولایت د جلریز ولسوالی په بېلابېلو حوزو کې د همکارې مؤسسې له لوري، د دغه ولایت د کرنې، اوبولګولو او مالدارۍ ریاست په همغږۍ، د. . .

سه‌شنبه ۱۴۰۵/۸/۲۶ - ۱۴:۴۷
Background image

نورستان کې د اوبو مدیریت او اقلیمي بدلونونو سره د سمون په موخه یو شمېر پروژې بشپړې او ګټې اخیستنې ته وسپارل شوې

۲۶ لړم ۱۴۰۵ هـ.ش

۶ جُمَادَى الثانی ۱۴۴۸ هـ.ق

د نورستان ولایت په کانتیوا ولسوالی کې د اقلیمي بدلونونو سره د سمون او د کلیوالي معیشت د پیاوړتیا په موخه د اوبو مدیریت یوه پروژه، چې د. . .

بازگشت