لغمان کې ۳۵ بزګرانو ته د غنمو او لوبیا د ننداریزو کروندو لپاره کرنیز توکي ووېشل شول

mail-admin
سه‌شنبه ۱۴۰۵/۸/۵ - ۸:۵۲
لغمان کې ۳۵ بزګرانو ته د غنمو او لوبیا د ننداریزو کروندو لپاره کرنیز توکي ووېشل شول

د لغمان د کرنې، اوبولګولو او مالدارۍ ریاست له لوري، د کرنې، اوبولګولو او مالدارۍ وزارت د پراختیایي بودیجې له لارې، ۳۵ تنو بزګرانو ته د غنمو او لوبیا د ننداریزو کروندو د جوړولو په موخه اصلاح شوي تخمونه، کیمیاوي سرې، کرنیز توکي او نغدي مرسته ووېشل شول.
د یاد پروګرام موخه د غنمو او لوبیا د حاصلاتو زیاتوالی، د اصلاح شوو تخمونو او معیاري کرنیزو طریقو دودول او بزګرانو ته د عملي زده‌کړو زمینه برابرول دي.
د یاد پروګرام له مخې، د غنمو د ننداریزې کروندې هر بزګر ته ۱۶ کیلوګرامه اصلاح شوی د غنمو تخم، ۵ کیلوګرامه سپینه کیمیاوي سره، ۲۵ کیلوګرامه توره کیمیاوي سره او د ځمکې د چمتو کولو لپاره ۱۰۰۰ افغانۍ نغدي مرسته ورکړل شوه.
همدارنګه، د لوبیا د ننداریزې کروندې هر بزګر ته ۲۰ کیلوګرامه اصلاح شوی د لوبیا تخم، ۱۰ کیلوګرامه سپینه کیمیاوي سره، ۲۰ کیلوګرامه توره کیمیاوي سره او د ځمکې د چمتو کولو لپاره ۱۰۰۰ افغانۍ نغدي مرسته ووېشل شوه.
د مرستو د وېش لړۍ د لغمان د کرنې، اوبولګولو او مالدارۍ  رییس مولوي سلیمان ایمن له لوري پیل شوه.
د کرنې رییس مولوي سلیمان ایمن وویل، چې یادې ننداریزې کروندې به د نوې کرنیزې ټکنالوژۍ، اصلاح شوو تخمونو او معیاري کرنیزو طریقو په کارولو سره جوړې شي، څو د غنمو او لوبیا حاصلات زیات او نورو بزګرانو ته د نوو کرنیزو میتودونو د عملي زده‌کړې زمینه برابره شي.
نوموړي همدارنګه بزګرانو ته د قطاري کرنې د اهمیت په اړه مسلکي لارښوونې وکړې، هغوی یې د عصري کرنې کارولو ته وهڅول او سپارښتنه یې ورته وکړه، چې وېشل شوي کرنیز توکي د یاد ریاست د مسلکي ټیم د لارښوونو او مشورو له مخې په خپلو کروندو کې وکاروي.
د یادونې وړ ده، چې ننداریزې کروندې د نوو کرنیزو تخنیکونو، اصلاح شوو تخمونو او معیاري کرنیزو طریقو د عملي ښودنې لپاره جوړېږي. دغه کروندې نه یوازې د حاصلاتو د زیاتوالي په برخه کې مرسته کوي، بلکې بزګرانو ته د نوو کرنیزو میتودونو د عملي زده‌کړې او په خپلو کروندو کې د هغو د پلي کولو زمینه هم برابروي.

تازه ترین اخبار

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

سه‌شنبه ۱۴۰۵/۸/۵ - ۱۵:۴
Background image

د روزګان خاص روزګان ولسوالی کې ۵۰۰ بزګرانو ته د غنمو د اصلاح شویو تخمونو او کيمياوي سرو د وېش لړۍ پیل شوه

۵ لړم ۱۴۰۵ هـ.ش
۱۵ جُمَادَى الأول ۱۴۴۸ هـ.ق
د روزګان ولایت د کرنې، اوبولګولو او مالدارۍ ریاست په هڅو ، د «ان‌ارسي‌سي» مؤسيسې په تخنیکي او د خوړو نړۍوالې ادارې په مالي همکارۍ، د روزګان. . .

بازگشت