کرنې وزارت کې د اصلاح شویو تخمونو د تولید او رسولو وضعیت وڅېړل شو

د کرنې، اوبو لګولو او مالدارۍ وزارت د کرنې او مالدارۍ مرستیال مولوي صدر اعظم عثماني په مشرۍ، د اصلاح شویو تخمونو د ملي بورډ، د کرنیزو څېړنو انسټېټیوټ، د تخمونو د تصدیق ریاست مسؤلینو او د اصلاح شویو تخمونو د تولیدي شرکتونو استازو په ګډون د یاد وزارت په مقر کې غونډه ترسره شوه.
په دې غونډه کې د اصلاح شویو تخمونو د تولید وضعیت، رد شوي مورني تخمونه، پاتې مورني تخمونه او د بنسټیزو او مورنیو تخمونو د تولید په برخه کې شته ستونزې او ننګونې وڅېړل شوې. همدارنګه ګډونوالو په دې برخه کې خپل نظریات، وړاندیزونه او تخنیکي سپارښتنې شریکې کړې.
دغه راز په غونډه کې یادونه وشوه، چې د کرنیزو څېړنو انسټېټیوټ په تېر کال کې د غنمو، جوارو، شولو، پنبې، سویابینو او د بېلابېلو سبو د مورنیو تخمونو په تولید کې د پام وړ بریاوې ترلاسه کړې دي.
د کرنې وزارت مسؤلینو ټینګار وکړ چې د نباتي ورایټیو د څېړنې، تولید او ترویج لپاره هڅې دوام لري، څو بزګرانو ته د لوړ کیفیت لرونکو تخمونو د لاسرسي زمینه برابره او په هېواد کې د کرنیزو حاصلاتو کچه لا زیاته شي.

بررسی وضعیت تولید و تأمین تخم‌های بذری در وزارت زراعت
جلسه‌ای به ریاست مولوی صدراعظم عثمانی معین زراعت و مالداری وزارت زراعت، آبیاری و مالداری با حضور مسوولان بورد ملی تخم‌های بذری، انستیتوت تحقیقات زراعتی، ریاست تصدیق تخم‌های بذری و نمایندگان شرکت‌های تولید تخم بذری در مقر وزارت زراعت برگزار شد.
در این نشست، وضعیت تولید تخم‌های بذری، تخم‌های مادری رد شده، تخم‌های مادری باقی‌مانده و چالش‌های موجود در زمینه تولید تخم‌های بنیادی و مادری مورد بحث و بررسی قرار گرفت و اشتراک‌کنندگان دیدگاه‌ها و پیشنهادهای خود را در این زمینه ارائه کردند.
همچنین در جلسه یادآوری شد که انستیتوت تحقیقات زراعتی در سال گذشته موفق به تولید تخم‌های مادری گندم، جواری، شالی، پنبه، سویابین و انواع سبزی‌جات شده است.
مسوولان وزارت زراعت تأکید کردند که تلاش‌ها برای تحقیق، تولید و ترویج ورایتی‌های مختلف نباتی ادامه دارد تا زمینه دسترسی دهاقین به تخم‌های باکیفیت فراهم شده و میزان حاصلات زراعتی در کشور افزایش یابد.