دمیدان وردګو ولایت دکرنې ریاست کې د زونوز ناروغۍ په هکله غونډه ترسره شوه
۸ سلواغه ۱۴۰۴ه.ش
۹ شَعبان المُعَظّم ۱۴۴۷ه.ق
دمیدان وردګو ولايت د کرنې، اوبولګولو او مالدارۍریاست کې د څارویو او انسانانو د ګډو ناروغیو «زونوز» په هکله دکمیټې غونډه ترسره شوه.
په دې غونډه کې د میدان وردګو ولایت دڅارویو دروغتیا آمر محمد الله شهیدزي دکمیټې ګډونوالو ته د زونوز ناروغیو په برخه کي هراړخیزه معلومات ورکړل، چې په ترڅ کې یې دې هر رياست وظایف تشریح شول.
وروسته د عامې روغتیا ریاست لخوا ډاکتر شکیب د زونوز ناروغۍ د انتقال او مخنیوي په برخه کې معلومات ورکړل چې یو د زونوز ناروغیو څخه د لیونې سپي (ربیس) ناروغۍ ده، چې دڅارويو څخه انسانانو ته انتقالېږي.
دا یوه خطرناکه ناروغي ده، چې انسانانو ته ستر زیان رسوي نو پدې برخه کې د کمیټې ګډونوالو دپوره همکارۍ ډاډ ورکړ.
په یاد ولایت کې د لیوني سپي واقعات لیدل شوي دي، چې په مرکز کې لیوني سپي دوه حیوانات داړلي دي. ددغو واقعاتو مخنیوي لپاره دکمیټې دغړو هلې ځلې روانې دي، ترڅو عام وګړي د دغسي خطرناکو ناروغیو څخه خوندي شي.
