افغانستان کې د معیشت د ښه والي او د زغم وړتیا د پیاوړیا پروژه پیل شوه

mail-admin
شنبه ۱۴۰۴/۷/۱۲ - ۹:۲۰
افغانستان کې د معیشت د ښه والي او د زغم وړتیا د پیاوړیا پروژه پیل شوه

۱۲ تله ۱۴۰۴ هـ.ش
۱۱ رَبِیعُ الْثاني ۱۴۴۷ هـ.ق
د افغانستان د زیانمنو ټولنو د معیشت د ښه والي او د زغم وړتیا د پیاوړتیا پروژه د شپږ میلیونه پونډو په ارزښت د پکتیکا، کونړ، فاریاب، سمنگان، تخار او دایکنډي ولایتونو کې پیل شوه.
د کرنې وزارت د اوبو لګولو او قدرتي سرچینو مرستیال مولوي بازمحمد فیضان، د دې پروژې له چارواکو سره په لیدنه کې وویل، چې ځانګړې شوې بودیجه باید په اغېزمن ډول ولګول شي، څو پایلې یې خلکو او کروندګرو ته ګټورې تمامې شي او فعالیتونه یې واقعي وي، نه نمایشي.
د پروژې د چارواکو په وینا، یاد پروګرام درې کلن دی او ټولیزه بودیجه یې ۲۲ میلیونه پونډه ده. د دې بودیجې لومړني شپږ میلیونه پونډه د لسو میاشتو په موده کې د افغان اېډ موسسې او د هغې د شریکانو لکه «سیف د چلډرن»، «کانسرن»، «ورلډ واید» او «ټي.ال.او» لخوا پلي کېږي.
په لومړي پړاو کې به شاوخوا ۷۶۰۰ تنه په مستقیم ډول د دې پروژې څخه برخمن شي او د هغوی لپاره به د کار زمینه برابره شي. د دې پړاو اساسي فعالیتونه د آبرېزو د مدیریت کمېټې جوړول، د کانټور پر بنسټ د ترینجونو کېندل، د ګبیوني او ډبريزو پلکونو جوړول، د مثمرو او غیرمثمرو نیالګیو کېنول، په آب رېزو کې د اوبو لګولو سیسټم جوړول او د نیالګیو منظم خړوبول دي.
د کرنې، اوبو لګولو او مالدارۍ وزارت مشرتابه وایي، چې د ملي او نړۍوالو موسسو په هڅولو سره د کرنې، اوبو لګولو او مالدارۍ په برخو کې د اغېزمنو فعالیتونو ترڅنګ د کار نورې ډېرې زمینې هم په هېواد کې برابرېږي.

تازه ترین اخبار

چهارشنبه ۱۴۰۴/۸/۷ - ۱۲:۳۵
Background image

د کندهار دوو ولسوالیو کې نږدې ۱۷ زره کوچني څاروي د طاعون ناروغۍ پر ضد وقایوي واکسین شول

۷ لړم ۱۴۰۴ هـ.ش
۷ جُمَادَى الأول ۱۴۴۷ هـ.ق
د کرنې، اوبولګولو او مالدارۍ ریاست په هڅو او د ملګرو ملتونو د خوړو او کرنې ادارې «اف.اې.او» په مالي ملاتړ، د کندهار د رېګستان او دامان په. . .

چهارشنبه ۱۴۰۴/۸/۷ - ۱۲:۳۳
Background image

دکندهار شاولیکوټ ولسوالی کې اړمنو کسانو ته د شاتو مچیو او اړینو توکو مرسته وشوه

۷ لړم ۱۴۰۴ هـ.ش
۷ جُمَادَى الأول ۱۴۴۷ هـ.ق
د کندهار د کرنې، اوبولګولو او مالدارۍ ریاست په هڅه او له جرمونو او مخدره توکو سره د ملګرو ملتونو د مبارزې دفتر (یو.ان.او.ډې.سي) په مالي ملاتړ،. . .

چهارشنبه ۱۴۰۴/۸/۷ - ۱۱:۴۹
Background image

د ننګرهار د کرنې ریاست: کامې ولسوالی کې ۲۰۰ جریبه ځمکه په اجاره ورکړل شوه

۷ لړم ۱۴۰۴ هـ.ش
۷ جُمَادَى الأول ۱۴۴۷ هـ.ق
د ننګرهار د کرنې، اوبو لګولو او مالدارۍ ریاست د اجارو مدیریت له لورې د کامې ولسوالی ډاګ میرزاخېل کلي کې ٢٠٠ جریبه ځمکه دګډ پلاوی په حضور کې په. . .

بازگشت