د کرنې وزارت رییسانو او کارکوونکو ته د افغانستان پراختیایي تګلاره وړاندې شوه

۳۱ وږی ۱۴۰۴ هـ.ش
۳۰رَبِیعُ الْأَوَّل ۱۴۴۷ هـ.ق
د افغانستان پراختیایي تګلاره، چې د اسلامي امارت د مشر له لوري منظور شوې، نن د یوې غونډې په ترڅ کې د کرنې، اوبو لګولو او مالدارۍ وزارت مرستیال مولوي صدراعظم عثماني په ګډون، د یاد وزارت رییسانو او آمرانو ته د عبدالوکیل په تالار کې تشریح شوه.
د غونډې په پیل کې، د تهیې او تدارکاتو رییس قاري عبدالمجید مبارک د قرآن کریم آیتونه تلاوت کړل او وروسته د کرنې او مالدارۍ مرستیال د دې پنځه کلنې تګلارې پر اهمیت خبرې وکړې. نوموړي ټینګار وکړ چې دغه ستراتیژي د افغانستان د ابادۍ او ځان بساینې په موخه جوړه شوې او مهمې برخې لکه د کرنې میکانیزه کول، د ځنګلونو او قدرتي نباتاتو ساتنه، د نوې کرنې ترویج، قرنطین او ساتنه، د محصولاتو پروسس، د ځمکو مدیریت، د ملي پارکونو خوندیتوب او کرنیزې څېړنې پکې شاملې دي.
مولوي عثماني  د وزارت له چارواکو وغوښتل، چې ژر تر ژره دې خپلې پروژې او پلانونه د دې ستراتیژۍ له مخې جوړ کړي او د عملي کولو لپاره یې اقدامات وکړي.
همدارنګه، د وزارت د پلان او پالیسۍ رییس سید احمد خالد صاحب‌زاده په خپلو خبرو کې د پروژو جوړولو د بهیر په چټکتیا او د موظفو کمیټو د کار د پیلولو پر اهمیت ټینګار وکړ.
په پای کې، د پالیسۍ او ستراتیژۍ پراختیا رییس، محمد قیس شریفي، د دې ستراتیژۍ محتويات د پریزنټیشن له لارې ګډونوالو ته تشریح کړل.

تشریح راهبرد انکشاف افغانستان برای روسا و کارمندان وزارت زراعت
۳۱ سنبله ۱۴۰۴ هـ.ش
راهبرد انکشاف افغانستان که از سوی رهبر امارت اسلامی منظور شده است، امروز طی مجلسی با حضور مولوی صدراعظم عثمانی، معین زراعت و مالداری وزارت زراعت، برای روسا و آمران این وزارت در تالار عبدالوکیل تشریح گردید.
در آغاز مجلس، قاری عبدالمجید مبارک رئیس تهیه و تدارکات آیاتی از قرآن‌کریم تلاوت کرد و سپس معین زراعت و مالداری پیرامون اهمیت این راهبرد پنج‌ساله سخن گفت. وی تأکید نمود که این استراتیژی به منظور آبادی و خودکفایی افغانستان طرح شده و بخش‌های مهمی چون میکانیزه‌سازی زراعت، حفاظت از جنگلات و نباتات قدرتی، ترویج زراعت نوین، قرنطین و حفاظت، پروسس محصولات، مدیریت زمین، حفاظت از پارک‌های ملی و تحقیقات زراعتی را شامل می‌شود.
مولوی عثمانی از مسوولان وزارت خواست تا هرچه زودتر پلان‌ها و پروژه‌های خود را در مطابقت با این استراتیژی تهیه و روی عملی‌سازی آن اقدام نمایند.
همچنان سید احمد خالد صاحب‌زاده رئیس پلان و پالیسی وزارت زراعت در سخنانش بر تسریع روند پروژه‌سازی و آغاز کار کمیته‌های موظف تأکید کرد. در پایان، محمد قیس شریفی آمر انکشاف پالیسی و استراتیژی، مفاد این راهبرد را از طریق پریزنتیشن برای حاضران ماده‌وار توضیح داد.