هلال ګروپ د ننګرهار څېړنیز مرکز د پیاوړتیا او پر سبو د څېړنو ترسره کولو کې مرسته کوي
۱۵ زمری ۱۴۰۴ هـ.ش
۱۲ صَفَر المُظَفَّر ۱۴۴۷ هـ.ق
هلال ګروپ د کرنې، اوبو لګولو او مالدارۍ وزارت سره د هوکړه لیک په اساس د ننګرهار څېړنیز مرکز د پیاوړتیا او سبو اصلاح شوي تخمونو تولید په موخه د همکارۍ ژمنه وکړه او په نږدې راتلوونکي کې به عملآ چارې پیل شي.
په همدې موخه دننګرهار د کرنې، اوبو لګولو او مالدارۍ رییس مولوي محمد ولي محسن، هلال ګروپ رییس حضرت ولي هډه وال، دهلال ختیځ زون مسؤل داکتر عبدالغفار لودین او څېړنیز مرکز مدیرانو په یاد فارم کې د ستونزو په نښه کولو، غوښتنو، تجاربو شریکولو او نورو برخو کې د نظر تبادله وکړه.
د هلال ګروپ رییس حضرت ولي هډوال وویل د کرنې وزارت سره یې د هوکړې له مخې د ننګرهار څېړنیز مرکز کې پر ۲۶ ډوله سبو تخمونو څېړنو ترسره کولو هوډ لري او همدارنګه په څېړنیز مرکز کې به شته ستونزو ته په وخت رسېدنه وکړي. نوموړې د ننګرهار د کرنې رییس څخه دهمکارۍ غوښتنه هم وکړه.
په ورته وخت کې د ننګرهار د کرنې رییس د هلال ګروپ یاده هڅه د کرنې په سکتور کې ګټور وباله او د کرنې وزارت د اصولو مطابق یي د هر راز همکارۍ ډاډ ورکړ.
