د ننګرهار وادي کرنیز شرکت په درېیم فارم سپین خوړ سیمه کې خپلسرې کرل شوې ونې ووهل شوې
د درېیم فارم سپین خوړ سیمه کې نن د سیمې اوسېدونکو هغه ونې لرې کړې، چې خپلسرې کرل شوې وې او د اوبو مسیر ته یې تغییر ورکاوه، چې له امله یې د اوبو جریان زیانمن شوی و.
دغه غیرقانوني ونو نه یوازې د اوبو مسیر ته ستونزې جوړې کړې وې، بلکې د چاپېریال توازن ته یې هم زیان رساوه.
د درېیم فارم سپین خوړ د رسوباتو د پاکولو بهیر د درېیم فارم د امر مولوي ګل محمد مطمئن، د کرنې عمومي مدیر انجینر عتیق الله او نورو مسؤلینو له خوا وڅارل شو.
د دې اقداماتو موخه دا ده، چې د سپین خوړ د اوبو بهیر منظم شي، سیمه له موسمي سیلابونو خوندي وساتل شي، محافظوي پولې پیاوړې شي او کرنیزې ځمکې د اوبو د زیاتوالي له ګواښ څخه په امن کې شي.
