د پکتیا په ځاځي آریوب ولسوالۍ کې د لایم سلفر پروګرام تطبیق
۱۵ کب ۱۴۰۳ه.ش
۵ رَمَضانُ المُبارَک ۱۴۴۶ه.ق
د پکتیا ولایت د کرنې، اوبولګولو او مالدارۍ ریاست د بوټو ساتنې او کرنتین عمومي مدیریت مسلکي کارکوونکو، د ځاځي آریوب ولسوالۍ د کرنیزو چارو مدیریت په همغږۍ، د لایم سلفر پروګرام د یادې ولسوالۍ په یوه کلي کې تطبیق کړ.
په دې پروګرام کې ګڼ شمېر بڼوالانو ګډون وکړ، چې د لایم سلفر د جوړولو او د استعمال عملي لارې چارې ور وښودل شوې. همداراز، د نباتي آفتونو او ناروغیو د میخانیکي او کیمیاوي کنټرول میتودونو په اړه هم بڼوالانو ته مفصل معلومات ورکړل شول.
د کرنې ریاست مسؤلین وايي، چې د لایم سلفر پروګرام تطبیق په نورو کلیو کې هم دوام لري، څو بڼوال د خپلو بڼونو د آفتونو او ناروغیو پر وړاندې اغېزناک میتودونه وکاروي او د کرنیزو حاصلاتو کیفیت ته وده ورکړي.
