د ننګرهار شینوارو ولسوالی کې حيواني درمل پلورنځي او کلينيکونه وڅارل شول
۱۵ سلواغه ۱۴۰۳ه.ش
۴ شَعبان المُعَظّم ۱۴۴۶ه.ق
د کرنې اوبو لګوني او مالداري وزارت اړوند د څارويو د روغتيا رياست استازو او د شینوارو ولسوالی د څارویو د روغتیا، او مالدارۍ مديريت له لورې، ددي ولسوالی په مربوطاتو کې دحيواني درمل پلورونکو هټيو او کلينيکونو څخه څارنه او کنټرول ترسره شو.
د دغه کنټرول موخه د بې کيفيته او تاريخ تېرو درملو پلورمخنیوي، په خپل سر د هټيو پرانستل او د غير قانونې درمل او واکسینونو د واردولو مخنيوي دی.
ددې کنټرول په پايله کې يو شمېر هغه هټۍ او کلينيکونه چې د فعاليت جواز وخت يې تېر و او یایې جوازونه نه درلودل سپارښتنه ورته وشوه چي خپل جوازونه واخلی او یایی نوي کړي. او ترڅنګ يې يوه اندازه تاريخ تېر درمل ورڅخه راټول شول.
همدارنګه سپارښتنې ورته وشوې چې په راتلوونکې کې د غير معياري هټيو د پرانستلو، د بې کيفيته درملو او واکسینو د پلور او واردولو څخه په کلکه ډډه وکړي.
دغه راز د مصنوعي القاح تطبیق کوونکو ډاکترانو ته د ښو او غوره استراګانو د کارولو ترڅنګ د مالدارانو اقتصادي وضعیت درک او له هغوي سره دغوره انساني چلند ترسره کولو هیله څرګنده کړه.
