کندهار ته د کرنې وزیر او ورسره مل پلاوي سفر
۳ سلواغه ۱۴۰۳ھ.ش
۲۲ رَجَب المُرَجَّب ۱۴۴۶ه.ق
د کرنې، اوبولګولو او مالدارۍ وزیر مولوی عطاء الله عمري کندهار ولایت ته دخپل سفر په ترڅ کې د ښارجوړونې وزیر شیخ مولوی حمدالله نعماني، د ښاروالۍ چارو د سمون لوی رییس مولوی محمد اسحاق، د کندهار دکرنې رییس مولوی فضل الباري فضلي او د کندهار د تخنیکي پلاوي غړو په شتون کې، د عینومېنې ښارګوټي د ښارک اړوند ځمکې په اړه ګډه ناسته ترسره کړه.
ددې ناستې په ترڅ کې د عینومېنې ښارګوټي د ښارک ځمکې د ستونزې پر حل او اړوندو موضوعاتو خبرې اترې وشوې. په یاده ناسته کې د یادې ځمکې په اړه هر اړخیز بحثونه او دواړو لورو د ستونزې د حل لپاره اړینې مشورې او نظریات تبادله کړل. همدارنګه، د ځمکې د تشخیص او تثبیت لپاره اړینې پرېکړې وشوې، ترڅو دا چاره په غوره او دقیق ډول ترسره او ستونزه حل شي.
یاده دې وي، چې د عینومېنې ښارګوټي د ښارک ځمکې د ستونزې د حل په موخه تېر ورځ هم غونډه شوې وه، ترڅو یاده ستونزه هواره شي.
