د پکتیکا ولایت مرکز ښرنه کې د شفتلو تخمونه پر ۱۰۰ مالدارانو ووېشل شول
یاد تخمونه د پکتیکا د کرنې، اوبو لګولو او مالدارۍ ریاست تر څارنې لاندې، د خوراک او کرنې نړیوال پروګرام اف اې او په مالي لګښت او د او آر ډي موسسې له لارې وېشل شوي دي. هر مالدار ته د څارویو د تازه خوراک لپاره ۳ کیلوګرامه شفتله تخم ورکړل شو.
د یادو مالدارانو سروې مخکې ترسره شوې وه او په همدې لړ کې ورته پخوا ۴۰ ټنه متراکم خواړه او ۲ ټنه غذایي خښته وېشل شوې وه. چې هر مالدار ته ۲۰۰ کیلوګرامه متراکمه خواړه او ۱۰ کیلوګرامه غذایي خښته ورکړل شوې وه. اوس د شفتلو تخم د وېش پروسه بشپړه شوه ترڅو د څارویو لپاره د خوراک کیفیت ښه شي.
د کرنې ریاست په وینا، په نږدې راتلونکي کې به د دې پروګرام په دوام، د مټاخان ولسوالۍ مالدارانو ته هم د شفتلو تخمونه ووېشل شي.
دا پروګرام د مالدارۍ سکتور د ودې او د څارویو د خوراکي اړتیاوو د پوره کولو لپاره مهم اقدام ګڼل شوی.
