هلمند کې د څړځایونو د ثبت او تثبیت لړۍ پیل شو
![هلمند کې د څړځایونو د ثبت او تثبیت لړۍ پیل شو](https://www.mail.gov.af/sites/default/files/2019-11/74323595_2826734160684499_6897080890208288768_o.jpg)
۲۰ لړم ۱۳۹۸
د هلمند د کرنې، اوبولګولو او مالدارۍ ریاست وایي، چې د ښارجوړولو او ځمکو چارو ریاست په همکارۍ د یاد ریاست د تخنیکي ټیم له خوا په دې ولایت کې د څړځایونو د سیمو د ثبت او تثبیت لړۍ پیل شوې ده. د دوی په خبره په لومړي پړاو کې د مرکز لښکرګاه اړوند د بست کلا په سیمه کې نږدې ۱۸ زره جریبه ځمکه به د کدسټري نقشې پر اساس ثبت او وروسته به یې د تصفیې لړۍ پیل شي.
د هلمند د کرنې رییس زلمی الکو وایي، چې د دوی د پلان پر بنسټ د څړځایونو ځمکې به د املاکي او کډسټري نقشو له مخې تثبیت او دکرنې وزارت په ډیټابیس کې په ثبت او راجستر شي.
د ښاغلي الکو په خبره د کرنې ریاست ددې ولایت د طبیعي سرچینو د احیا، ساتنې او پراختیا په پار پراخ پروګرامونه په پام کې لري، چې په پلي کېدو سره یې یاد طبیعي سرچیني خوندي او د کوچیانو او مالدارانو د مالونو د خوراکې لپاره به چمتو شي.