د کرنې وزارت پر تشکیلاتو بیا کتنه کیږي

content_admin
یکشنبه ۱۳۹۸/۸/۱۲ - ۹:۳۹
 د کرنې وزارت پر تشکیلاتو بیا کتنه کیږي

۱۱ لړم ۱۳۹۸
د کرنې، اوبولګولو او مالدارۍ وزیر نصیر احمد درانی؛ د کرنې وزارت د تشکیلاتو د بیاکتنې خبره کوي او وایي، چې دا اقدام په ولایتونو کې د چوپړونو د غزېمنتیا په پار د کابینې د پرېکړې پر اساس تر سره کیږي.
د هغه درې ورځنۍ ورکشاپ په پرانیست غونډه کې، چې د کرنې وزارت اړوند د ولایتونو د بشري سرچینو د مدیرانو په شتون کې د کرنې په وزارت کې په لاره اچول شوې وه ښآغلی درانی وویل، چې هغه د کرنې وزارت له شته تشکیلاتو خوښ نه دی، ځکه چې ددې وزارت د کارکوونکو ډېری تمرکز په کابل کې دی. د کرنې وزیر دې ته په ټینګار سره، چې د بشري سرچینو اهمیت د مالي او عایداتي سرچینو له اهمیت څخه کم نه دی زیاته کړه: «ټول بشري سرچینو ته بیا کتنه کیږي او د پست د ځانګړې شرایطو او ځانګړي تحصیلي او تجربي شرایطو ته په کتو کارکوونکي ځای پر ځاییږي.»
نصیر احمد درانی وایي، دکرنې وزارت مصمم دی، چې د خپلو اړوندو بنسټونو بشري سرچینو ته په جدي توګه بیا کتنه وکړي او په ولایتونو کې د چوپړونو وړاندې کولو ته لا ډېر او ښه زمینې برابرې کړي. هغه وویل: «پر تشکیلاتو بیا کتنه کیږي؛ که هغه د تشکیلاتو له اړخه وي او که د اغېرمنتیا له ړخه، د اړتیا وو له اړخه وي او که د افرادو د کیفیت له اړخه چې هلته کار کوي. حکومت یې پلي کولو ته ژمن دی.»
په همدې حال کې د کرنې وزیر د کرنې وزارت اړوند د بشري سرچینو له رییسانو او مدیرانو وغوښت، چې د اصلاحاتو او د بشري سرچینو د بیا کتنې په برخه کې جدي او اړینه پاملرنه ولري او د خلکو منافع د خپلو نږدې کسانو تر منافع لوړ وګڼې. هغه وویل، چې اصلاحات باید د ولایتونو د عیني واقعیتونو پر اساس تر سره شي.
په ورته وخت کې د اداري اصلاحاتو د کمیسون د ملکي خدمتونو لوی رییس احمد مسعود توخي وایي، چې د ټولو دولتي اداراتو په کچه د بشري سچینو د بیا کتنې اصلي موخه هېوادوالو ته د چوپړونو د وړاندې کولو ښه والی او له کمو امکاناتو څخه اعظمي استفاده کول دی. ښاغلی توخي وویل، چې کېدای شي، ځیني کسان د بشري سرچینو د بیاکتنې د لړۍ په پیل سره د بیکاره کېدو اندېښنه ولري، خو ټینګار یې وکړ، چې په ولایتونو کې د چوپړونو وړانډې کولو ته ډېر ټینګار کیږي.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت