کاپیسا کې د ځمکې غصب مخنیوی او غصب شویو ځمکو بېرته راکرځولو تخنیکي پلاوي کړنې
۱۱ زمری ۱۴۰۳ه.ش
۲۶ مُحَرَّمُ الحَرام ۱۴۴۶ه.ق
د کاپیسا ولایت د اماراتي، سلطاني، مرعي او وقفي ځمکو د غصب مخنیوی او غصب شویو ځمکو بېرته راکرځولو تخنیکي پلاوي غړي په دې ولایت کې د ځمکې غصب مخنیوی او بېرته راګرځولو په پار هلې ځلې کړندي کړي دي.
ددغو هلو ځلو په دوام د کاپیسا ولایت د ځمکې غصب مخنیوی او غصب شویو ځمکو بېرته را ګرځولو تخنیکي پلاوي ددې ولایت د کرنې رییس مولوی محمدرحیم نعماني په مشرۍ د کاپیسا ولایت تګاب ولسوالی ته د سفر په ترڅ کې دغه ولسوالی له سیمه ییزو چارواکو سره په کتنه کې د امارتي ځمکو د غصب مخنیوی او غصب شویو ځمکو بېرته راګرځولو په هکله خبرې اترې وکړې.
ددې لیدنې په ترڅ کې د تګاب ولسوالی چارواکو یاد تخنیکي ټیم ته دهراړخیزې همکارۍ ډاډ څرګند او د دوی هڅې او فعالیتونه یې وستایل.
دغه راز یاد پلاوي د تګاب په ولسوالی کې له یوشمېرهغو سیمو څخه چې امارتي ځمکې په کې غصب شوي دي هم لیدنه وکړه.
