د کرنې وزارت د اوبولګولو او طبیعي سرچینو مرستیال د کونړ له والي سره وکتل

۱۱ زمری ۱۴۰۳ه‍.ش
۲۶ مُحَرَّمُ الحَرام ۱۴۴۶ه‍.ق
د کرنې وزارت د اوبولګولو او طبیعي سرچینو مرستیال مولوي باز محمد فیضان کونړ ولایت ته د خپل سفر په ترڅ کې د کونړ له والي مولوي قدرت الله ابوحمزه سره وکتل.
په دې کتنه کې د کونړ د کرنې رییس مولوي سلیمان، د اوبولګولو د عصري تکنالوژۍ رییس مولوي معاذالله عادل، د شنې قطعې یا ځنګلونو د ساتنې مرستیال ملا عبدالله او د کرنې وزارت او د کونړ ولایت یو شمېر کارکوونکو شتون درلود. 
د کرنې وزارت د اوبولګولو او طبیعي سرچینو مرستیال په دې غونډه کې وویل، چې د ځنګلونو ساتنه او د لرګیو د قاچاق مخنیوی د حکومت له اساسي دندو څخه دي، چې باید مخنیوی یې وشي او هیچا ته د دې حق ورنکړل شي، چې د هېواد له ملي پانګې ناوړه ګټه پورته کړي. کونړ هغه ولایت دی، چې د جغرافیې ډېره برخه يې شنو ځنګلونو پوښلې ده، چې پاید ترې ساتنه ووشي. د ټولو ادارو مسوولیت دی چ د ځنګلونو د وهلو او د لرګیو د قاچاق د مخنیوي لپاره په ګډه کار وکړي. موږ د دې لپاره راغلي یو چې وګورو د ځنګلونو د وهلو او د لرګیو د قاچاق د مخنیوي فعالیتونه څنګه دي.
 ورپسې د کونړ والي او د شنې قطعې مرستیال د ځنګلونو د وهلو د مخنیوي په برخه کې د فعالیتونو په اړه خبرې وکړې او په راتلونکي کې د لا زیاتو کارونو په اړه خبرې وشوې.
دغه راز په دې غونډه کې د ضبط شويو لرګيو د راټولولو او مناسب ځاى ته د لېږدولو په پار هم خبرې وشوې.

دیدار معین آبیاری و منابع طبیعی وزارت زراعت با والی کنر 
۱۱ اسد ۱۴۰۳ هـ.ش
مولوی بازمحمد فیضان معین آبیاری و منابع وزارت زراعت، آبیاری و منابع طبیعی در سفر به ولایت کنر با مولوی قدرت الله ابوحمزه والی کنر دیدار کرد.
در این دیدار مولوی سلیمان رییس زراعت کنر، مولوی معاذالله عادل رئیس تکنولوژی‌های نوین آبیاری، ملا عبدالله معاون قطعه سبز یا قطعه محافظت از جنگلات و تعدادی از کارمندان وزارت زراعت و ولایت کنر حضور داشتند.
معین آبیاری و منابع طبیعی وزارت زراعت در این دیدار گفت که حفاظت از جنگلات و جلوگیری از قاچاق چوب یکی از وظایف اساسی دولت است که باید جلو آن گرفته شود، به هیچکسی حق استفاده از سرمایه ملی کشور داده نشود، کنر ولایتی است که بیشتر جغرافیایی آن جنگلی می‌باشد و باید از آن محافظت شود، مسوولیت تمام ادارات حکومتی است که مشترک برای محافظت از جنگلات کار کنند، آمده ایم تا ببینیم فعالیت‌های جلوگیری‌ از قطع جنگلات و قاچاق چوب چگونه است، بعدا والی کنر و معاون قطعه سبز در مورد فعالیت‌ها برای جلوگیری از قطع جنگلات سخن گفتند و روی کارهای بیشتر در آینده صحبت گردید. 
همچنان در این مجلس روی جمع آوری و انتقال چوب های ضبط شده به یک محل مناسب بحث گردید.