شمال ختیځ زون کې څه باندې ۲۰ زره ټنه د غنمو اصلاح شوي تخم تولید شوي
۲۴چنګاښ ۱۴۰۳ه.ش
۸ مُحَرَّمُ الحَرام ۱۴۴۶ه.ق
د کندز دکرنې، اوبولګولو او مالدارۍ ریاست چارواکي وایي، چې د شمال ختیځ زون په کچه پر شپږ زره هکټار ځمکه د اصلاح شویو تخمونو د تولید په پار غنم کرل شوې وه، چې د اصلاح شوي کرنیزو تخمونو د تولید او تکثیر د دولتي او خصوصي شرکتونو د قراردادي بزګرانو د کروندو د وروستۍ پلټنې بهیر پیل شوی دی.
د کندز دکرنې رییس الحاج مولوی امان الله حسن وویل: «په روان کال کې ۶۰۰۰ هکتاره ځمکه چې د اصلاح شویو تخمونو د تولید لپاره کرل شوې وه، په درې پړاونو کې د کندز ولایت د کرنې ریاست د تخمونو د تصدیق آمریت د کارکوونکو له خوا یې پلټنې ترسره شوه.»
د ښاغلي حسن په خبره سږ کال په شمال ختیځ زون کې ۲۰۰۰۰ ټنه اصلاح شوي تخمونه تولید او تر تصدیق ورسته د هېواد پر بزګرانو وېشل کېږي.
اصلاح شوي تخمونه د سیمه ییزو او غیر اصلاح شویو تخمونو په پرتله څو سلنه لوړ حاصلات ورکوي، او تر څنګ یې د نباتي ناروغیو په مقابل کې هم زیات مقاومت لري.
