د خوست موسی خېلو کې لسګونو بزګرانو سره د مرستې لړۍ پیل شوه
۱۳ غبرګولی ۱۴۰۳ه.ش
۲۵ ذوالقعده ۱۴۴۵ه.ق
د خوست دکرنې، اوبولګولو او مالدارۍ ریاست د «او،آر،ډي» مؤسسې په همکارۍ ددې ولایت د موسی خېلو ولسوالی پر ۵۰ بزګرانو د کورنیو باغچو اړوندو توکو وېش لړۍ پیل کړی دی.
د خوست دکرنې ریاست چارواکي وایي، چې ددغو بزګرانو د سروې چارې بشپړ شوي، چې په نږدې راتلونکي کې به پر اړمنو بزګرانو د بزګرۍ اړوند توکي ووېشل شي.
ددې مرستې موخه د بزګرانو ملاتړ، د کورنیو باغچو ترویج او په ټوله کې د کورنیو خوړو خوندیتوب ته زمینه برابرول دي.
