کونړ کې پر ۷۵ کورنیو د مربا او اچارو جوړولو توکي ووېشل شوې
د کونړ ولایت د کرنې، اوبولګولو او مالدارۍ ریاست په هڅو د دملګرو ملتونو پراختیایي ادارې په مالي او د واک مؤسسې په تخنیکي همکارۍ ددې ولایت د شیګل، شلتن او اسمار ولسوالیو ۷۵ کورنیو ته د مربا او چارو جوړولو توکي ورکړل شوي دي.
د کونړ ولایت د کرنې، اوبولګولو او مالدارۍ رییس مولوی شېر آقا پير حبیب الرحمن وویل، چې ددې مرستې په ترڅ کې هرې کورنۍ ته د مربا او اچارو جوړولو اړین توکي ورکړل شوي دي.
دغه راز له دغو توکو برخمن شوي کسانو ته د مربا او اچار جوړولو، محصولاتو د ضایعاتو مخنیوی، بازارموندنې او نورو اړونده موضوع ګانو په هکله عملي او نظري روزنه هم ورکړل شوي دي.
