دکرنې وزارت: تېل او ګازو شرکت ته د دوه جریبه ځمکې د لېږد تړون لاسلیک شو
۳۰ لړم ۱۴۰۲ه.ش
۸ جُمَادَى الأول ۱۴۴۵ ه.ق
د کرنې، اوبولګولو او مالدارۍ وزارت د ځمکو چارو لوی ریاست چارواکي وایي، چې د عالیقدر امیرالمؤمنین حفظه الله د ۶۳ ګنې فرمان له مخې د ځمکو چارو عمومي ریاست لخوا د افغانستان د تېل او ګازو شرکت ته د دوه جریبه ځمکې د لېږد تړون لاسلیک شو.
په دې اړه جوړه شوې غونډه کې، چې دکرنې، اوبولګولو او مالدارۍ وزارت د جیودیزي او کدستر په عمومي ریاست کې جوړه شوه، مولوی سعید الرحمن مظهري د ځمکو چارو ادارې د جیودیزي او کدستر عمومي ریيس او د یاد ریاست کفيل، د ځمکو د انتقال او وېش ریيس مولوي سید محمد سعید او د افغانستان د تېل او ګازو شرکت یو شمیر چارواکو ګډون درلود.
د دغه ټړون لاسلیک د عالیقدر المومنین حفظه الله د ۵/۱/۱۴۴۵ نیټې د ( ۶۳ ) ګنې فرمان له مخې د کرنې، اوبولګولو او مالدارۍ وزارت د ځمکو چارو ریاست کفيل مولوي سعيد الرحمن مظهري، د ځمکو د انتقال او وېش رییس مولوي سيد محمد سعید او د افغانستان د تېل او ګازو شرکت د مسؤولينو ترمنځ د تخار ولايت په فرخار ولسوالۍی کې د ياد شرکت د ګازو د تاسيساتو د جوړولو لپاره د دوه جریبه ځمکې د انتقال په موخه ترسره شو.
