د کرنې وزارت په اداري غونډه کې د پروژو د چارو د پرمختګ ارزونه
۲۰ وږی ۱۳۹۸
په نننۍ اداري غونډه کې، چې د کرنې، اوبولګولو او مالدارۍ وزیر نصیر احمد درانی په مشرۍ په لاره اچول شوې وه د روان کال او راتلونکې کال پروژې، د روان مالي کال د پروژو د پلي کېدو د پرمختګ لړۍ، او د پراختیایي بودیجې لګول وارزول شول.
په خلاصه توګه، د ۱۳۹۸ یم کال د پروژو د پرمختګ ارزونه، د روان کال د پراختیایي بودیجي لګول، د ۱۳۹۹ یم کال وړاندیز شوې پروژې او نوی پروژې ددې غونډې مهمې خبرې وې. ښاغلی درانی ددې غونډې ګډونوالو ته سپارښتنه وکړه، چې د برخمن شویو کسانو پر ژوند د اقتصادي اغېزمنتیا په پار د کیفیت په ساتلو سره د پلي کېدونکو پروژو چارې دې ګړندۍ شي.
ښاغلي درانی وویل، چې د پراختیایي بودیجې لګول د بزګرانو او له کرنیزو چوپړونو څخه د برخمن شویو کسانو پر ژوند باید مطلوب اغېزې ولري. د کرنې وزارت اداري غونډه د وزارت مرستیالانو، د مرکزي ادارو رییسانو او د پروژو د رییسانو په شتون کې په لاره اچول شوې وه.
