میدان وردګو کې د څارویو خوندیتوب په پار هڅې؛ د څارویو د چنجیو ضد خزاني کمپاين پیل شو
۶ لړم ۱۴۰۲ه.ش
۱۳ ربیعالثاني ۱۴۴۵ ه.ق
د میدان وردګو ولایت د کرنې، اوبولګولو او مالدارۍ ریاست د کرنې پراختیا صندوق په مالي او د هالنډ کمېټې په تخنیکي همکارۍ ددې ولایت د څارویو خوندیتوب په پار د څارویو د چنجیو ضد خزاني کمپاين پیل کړي دی، چې په ترڅ کې یې ٤٢ زره او ٨٠٠ ډوزه د چنجیو ضد در مل پر مالدارانو وېشل کېږي.
دغه کمپاين د میدان وردګو ولایت مرکز میدان ښار څخه پیل شوی دی، چې ددې ولایت په ولسوالیو کې هم پلي کېږي.
ددې کمپاين موخه د مالدارانو ملاتړ، د څارویو خوندیتوب او په ټوله کې د مالدارۍ سکټور ودې او پراختیا ته زمینه برابرول دي.
