په شمال ختېځ زون کې د بڼوالۍ او مالدارۍ د ملي برنامې تخنیکي مسوول محمدغلام ملاخیل وایي، چې دغه فارمونه هریوه یې د ۵۰۰ غوښینو چرګانو د روزنې وړتیا لري، چې هر ۴۰ ورځې وروسته حاصل ورکوي. هغه وویل، ددغو فارمونو هر یوه چرګ د ۴۰ ورځو په ترڅ ۲.۲ کیلو ګرامه وزن نیسي.

د ملاخیل په خبره فارم لرونکي له دغو فارمونو څخه ښه عواید تر لاسه کوی.

په ورته وخت کې د تخار والي عبدالحق شفق وایي، چې د دغو فارمونو جوړول د کارموندنې ترڅنګ د چرګانو د غوښو د تولید په برخه کې یاد ولایت ځان بساینې ته نږدې کوی او ددې ولایت ګاونډ ولایتونه هم کولای شي، چې له دغو فارمون څخه ګټه پورته کړي.

دغه فارمونه د کابو ۲۰ میلیونه افغانیو په لګښت د کرنې وزارت له خوا جوړي شوي دي. د یادو فارمونو په جوړول کې د فارم لرونکو ونډه ۵۰ سلنه ده.