د ننګرهار کانال شرکت د چارو همغږي په پار غونډه دائره شوه
٢۵ تله ۱۴۰۲ه.ش
۲ ربیعالثاني ۱۴۴۵ ه.ق
د ننګرهار کانال شرکت رییس مولوی غلام الرحمن کظیم د چارو د لا بهبود په موخه د یاد شرکت له یوشمېر امرینو او مدیرانو سره غونډه دائره کړه.
په دې غونډه کې د ننګرهار کانال شرکت رییس مولوی غلام الرحمن کظیم حاضرینو ته وویل: «ستاسې هڅې، کوښښونه او نوښتونه د ګران هېواد د ابادۍ او سمسورتیا په برخه کې لوړ ارزښت لري.د خپلو کروندګرو هڅو او زیار ته د قدر په سترګه وګورئ، د کرنې د سیستمونو میکانیزه کولو ته کار وکړئ، شاړې ځمکې ابادې او خصوصي سکټور ته اسانتیاوی برابرې کړئ، چې ورسره به مو هم هېواد غني شي او هم به ورسره بې روزګاره هېوادوالو ته د کار زمینه برابره شي.»
ښاغلی رحماني زیاته کړه: «که په تاسو کې هر امر، مدیر او مامور دې کړنو ته دوام ورکړل زما سر او سترګي یاست مکافات به شي او کنه قانوني کړنه به ورسره ووشي.»
باید وویل شي، چې په دې ناسته کې د دفتر، د زیتونو فابرېکې، مالدارۍ فارم، سرمحاسبیت امرینو، تدارکاتو، اجراییه او مطبوعاتو لوی مدیرانو او نورو ونډه لرله.
