هلمند کې د ځمکې غصب مخنیوي تخنیکي پلاوي غونډه دائره شوه
د هلمند ولایت د ځمکې د غصب مخنيوي او غصب شویو ځمکو د تثبیت تخنیکي پلاوي خپله ۶۸مه نوبتي غونډه ترسره کړه.
د هلمند ولایت د ځمکو د غصب مخنيوي او غصب سوو ځمکو د تثبیت تخنیکي پلاوي خپله ٦۸مه نوبتي ناسته د کرنې په ریاست کې ترسره کړه.
په یاده غونډه کې د یادې کمېټې رییس الحاج مولوي نظر محمد صدیقي تر څنګ نورو غړو هم حضور درلود.
په دې ناسته کې د ځمکو د غصب مخنیوی او استرداد کمیسیون لخوا رالېږل شوي د ځمکو اړوند د ٣ موضوعاتو اصلاحي راپورونو تحلیل او مطالعه شول، د یادو راپورونو د ځینو برخو د لا ښې اصلاح په موخه مربوطه مسؤلینو ته سپارښتنې وسوې او راتلونکي مجلس ته یې د لاسلیک لپاره د چمتو کولو هدایتونه وشول.
تخنیکي پلاوي همدارنګه په مرکز لښکرګاه کې د پوهنې ریاست اړوند د لب جوی په ساحه کې د ځمکې د غصب موضوع باندې بحث وکړ او تصمیم ونیول سو چې په یاده ساحه کې دې د لا نورو خودسره تصرفاتو او غصب مخنیوئ په پار امنیتي مسؤلینو ته خبر ورکړل سي او د یادو ملکیتونو د غصب څخه د خلاصولو په پار دې یو ګډ پلاوی وګمارل سي. په نننئ ناسته کې تخنیکي پلاوي د C-2 په ساحه کې د احمدشاه بابا انستیتیوت د ځمکې موضوع وارزول او د یادې ساحې لپاره د لا نورو څیړنو او ارزونو تصمیم ونیول شو.
په یاده ناسته کې د احمدشاهي مینې توسعوي پلان په اړه د یو شمېر اشخاصو او افرادو سره لیدنې وسوې ، تخنیکي پلاوي راغلو اشخاصو ته سپارښتنه وکړه چې د ولایت محترم مقام سره په همغږئ به د عالي مقاماتو د هدایت مطابق د نظام د اصولو او مقرراتو له مخې د ښار تفصیلي پلانونه تطبیقوي او هیچا ته به د ډلو ټپلو جوړولو او په بیلابیلو نومونو د امارتي ملکیتونو د غصب او تصرفاتو ددوام اجازه ورنکړل شي.
د ناستې په لړ کې تخنیکي پلاوي تصمیم ونیو ترڅو راتلونکي سه شنبه به د ٢ کاري ګروپونو په جوړولو سره هغو ولسوالیو ته سفرونه وکړي چې د ځمکو دوسیې یې د غصب مخنیوی کمېسیون لخوا د اصلاح په په موخه تخنیکي پلاوی ته رالېږل سوي دي او بیا به د خپلو کړنو راپور د ځمکو د غصب مخنیوئ کمیسون سره شریکوي.
تخنیکي پلاوي په وروستیو کې د لسګونو مراجعینو املاکي ستونزې په مخامخ ډول واورېدې او د هغوی د ستونزو د حل په برخه کې یې د اصولي کړنو ډاډ ورکړ.
