د ځمکې غصب مخنیوی کمیسیون رییس د میدان وردګو ولایت له سیمه ییزو چارواکو سره وکتل
۲۲ وږي ۱۴۰۲ه.ش
۲۷ صَفَرُ المُظَفَّر ۱۴۴۵ه.ق
دمیدان وردګو ولایت د کرنې، اوبولګولو او مالدارۍ ریاست چارواکي وایي، چې د ځمکو دغصب مخنیوی او بېرته راګرځولو کمیسیون مشر او د عدلیې وزیر شیخ مولوی عبدالحکیم شرعي، د چارو ادارې رییس او د کمیسیون غړی شیخ مولوی انورالحق، مولوی عبدالمنان عمري دکار او ټولنیزو چارو وزیر او دکمیسیون غړی، مولوی نعماني د ښار جوړولو وزیر او دکمیسیون غړی او د سترې محکمې د دارالانشاء ریس میدان وردګو ولایت ته دسفر په ترڅ کې ددې ولایت والي قاري بختیار معاذ، دکرنې او د غصب د مخنیوي ولایتي تخنیکي کمېټې رییس مولوي عبدالجبار خالد او د ځمکې غصب مخنیوی پلاوی سره په کتنه کې په دې ولایت کې د ځمکې غصب مخنیوی او غصب شویو ځمکو بېرته راګرځولو پلاوی د کړنو په هکله خبرې وکړې.
په دې غونډه کې د میدان وردګو ولایت د کرنې رییس او د ځمکې غصب مخنیوی کمېټې مشر په دې ولایت کې د یادې کمېټې د کړنو، روانو فعالیتونو او راتلونکو پلانونو په هکله د ځمکې غصب کمیسیون مشرتابه ته بشپړ معلومات وړاندې کړل.
ورپسې د ځمکو دغصب مخنیوی او بېرته راګرځولو کمیسیون مشر او د عدلیې وزیر شیخ مولوی عبدالحکیم شرعي د یاد کمیسون کړنې وستایل او د لا بریالیتوب هیله یې وکړه او ډاډ یې ورکړ چې له یاد کمیسیون سره هراړخيزه همکاري کوي.
یاد پلاوی د غصب مخنیوی او د غصب شویو ځمکو راګرځول د اسلامي امارت له اساسي دندو او مسؤلیتونو څخه وببل او د غصب د مخنیوي ولایتي تخنیکي کمېټې څخه یې وغوښتل، چې خپل کارونه په پوره دقت، خلکو ته له شرعي اړخه په قناعت ورکولو او په دې برخه کې د مشرتابه د نويو حکمونو او قوانینو په پلې کولو سره سم په ښه ډول ترسره کړي او یادې کمېټې ته یې په ځینو برخو کې اړینې سپارښتنې هم وکړې.
دوی وویل، چې د غصب مخنیو او په دې اړه خلکو ته پوهاوی ورکول زموږ ټولو اسلامي او ایماني مسؤلیت دی او د ملکي او نظامي ادارو له مسؤلینو یې هیله وکړه، چې د غصب د مخنیوي او غصب شویو ځمکو د راګرځو له ولایتي تخنیکي کمېټې سره همکار پاتې شي.
دغه راز په دې غونډه کې پر یوشمېر نورو موضوعاتو لکه د شکور کاریز او عينو مېنې پر روانو چارو هم خبرې وشوې او ت. څنګ یې له محکمو څخه پر راغلو دوسیو هم خبرې اترې وشوې.
