د کانال شرکت عوایدو زیاتوالي په پار هڅې؛ د نارنجانو بولي ترسره شوه
۱۸ وږي ۱۴۰۲ه.ش
۲۳ صَفَرُ المُظَفَّر ۱۴۴۵ه.ق
د ننګرهار کانال شرکت په څلورګونو فارمو کې د نارنجانو مېوه (سردرختي) په کابو دوه نیم ميليونه افغانیو وپلورل شو.
د چارواکو په خبره څو ورځې وړاندې ددغو مېوو لومړنۍ داوطلبي په ۱۸۷۰ زره افغانیو شوې وه.
د قانون او اصولو سره سم يې بیا د مزایدې اعلان وشو، د مزایدې په دې بولۍ کې تېره ورځ پنځو تنو ونډه اخستې وه.
د رڼې، شفافې او ازادې بولۍ له لارې محمد رحیم د خلیل زوی وکولای شوه په کابو دوه نیم میلیونه افغانیو ( ۲۴۵۰۰۰ افغانیو) دغه بولي وګټل.
دغه بولي د ننګرهارکانال شرکت د دفتر امر قاري شکیل احمد (ذاهب خېرخواه ) په مشرۍ چې ورسره د تدارکاتو لوی مدير ، او نور مله و ترسره شوه.
دغه نارنجان به د هېواد د یو شمېر نورو ولایتونو سربېره پلازمېنې کابل ته هم ولېږل شي.
د ویلو ده، چې ننګرهار کانال په څلورګونو فارمونو کې په شاوخوا ۲۰۰ جريبه ځمکه باندې د نارنجانو بڼوڼه جوړ شوي دي.
