د کندهار کرنې ریاست کې د ښې همغږۍ په پار غونډه دائره شوه
۱ وږی ۱۴۰۲ه.ش
۶ صَفَرُ المُظَفَّر ۱۴۴۵ه.ق
په هغه غونډه کې چې د کندهار دکرنې رییس مولوی محمود مظولو په مشرۍ جوړه شوې وه، د کندهار دکرنې ریاست آمرینو او مدیرانو ګډون درلود.
په دې غونډه کې د کندهار دکرنې ریاست آمرینو او مدیرانو په خپل وار سره د څانګو وړاندیزونه او ستونزې د کندهار دکرنې رییس سره شریکې کړې.
ورپسې د کندهار دکرنې رییس مولوی محمود مظلوم د یادو چارواکو د خبرو له اورېدو وروسته د څانګو له مسوولينو څخه وغوښتل، چې د ریاست کارکوونکي باید پر ټاکلي وخت رسمیاتو ته حاضر شي، ټول کارکوونکي مکلف دي، چې د فساد مخنیوي وکړي، کارکوونکي باید ځانونه د سیرت او شریعت مطابق جوړ او لمونځ پر جماعت سره ادا کړي، ټول آمریتونه او مدیریتونه باید خپل کاري راپور د پلان مدیریت ته پر خپل وخت وسپاري، د ریاست ټولې مطبوعاتي کړنې او فعالیتونه باید د مطبوعاتو د مدیریت له لارې نشر شي هیڅ آمر او مدیر یې پر خپل سر د نشرولو حق نه لري، د ریاست ټول رسمي کارونه باید د اجرائیه مدیریت له لارې پلي شي
په پای کې دکندهار دکرنې رییس مولوی محمود مظلوم د دغه رياست ټولو مسوولينو ته لازمې لارښوونې وکړې او له هغوی څخه یې وغوښتل تر څو د خپلو څانګو په ټولو برخو کې په جدي توګه هڅې وکړي.
