۸۰ مېرمنو ته د چرګانو روزنې لارې چارې وښودل شوې
۱۴ تله ۱۳۹۹
د کرنې، اوبولګولو او مالدارۍ وزارت د خلکو په ګډون د کرنې او مالدارۍ د برنامې «CLAP» له لارې، د چرګانو فارم لرونکو ۸۰ مېرمنو ته د چرګانو روزنې نوي لارې چارې وښودل شوې.
ددې برنامې موخه، د تولیدي ګروپونو د ملاتړ په پار مېرمنو ته د چرګوړو د ماشینونو د استفادې څرنګوالي ښودل او په فني برخو او اقتصادي فعالیتونو کې د دغو مېرمنو وړتیالوړول دي.
د کرنې وزارت د خلکو په ګډون د کرنې او مالدارۍ برنامې له لارې تر دې وړاندې د کابل او لوګر په ولایتونو کې پر دغو ۸۰ مېرمنو په هر یوه یې د چرګانو روزنې یوه کڅوړه، ۱۰۰ چرګان او د چرګوړو تولید ماشین وېشلې وه.
په دې برنامه کې، د چرګانو روزنې فارم لرونکې مېرمنې د څلورو ورځو په لړ کې د چرکوړو تولید ماشینونو د استفادې لارې چارې او د چرګانو د تغذیې څرنګوالي زده کوي.
