۱۳۹۹ یم کې د کب روزنې څلور تکثیري فارمونه جوړیږي

content_admin
شنبه ۱۳۹۸/۱۱/۱۹ - ۱۵:۳۰
۱۳۹۹ یم کې د کب روزنې څلور تکثیري فارمونه جوړیږي

۱۹ سلواغه ۱۳۹۸
۱۳۹۹ یم کال کې د کرنې، اوبولګولو او مالدارۍ وزارت د کب روزنې د زمینو پر پیاوړتیا کار کوي او ټاکل شوې، چې د کابل، پنجشیر، بامیان او بلخ په ولایتونو کې د کب روزنې څلور تکثیري فارمونه جوړ کړي.
د کرنې، اوبولګولو او مالدارۍ وزارت ویاند اکبر رستمي وایي، چې یاد جوړېدونکي فارمونه به هر یوه یې په کال کې د کبانو ۲۸ میلیونه بچې تولید کړي.
ښآغلي رستمي وویل، چې د کب روزنې د پراختیا د هغې طرحې پر اساس چې د کرنې وزارت له خوا چمتو او د اقتصادي عالي شورا له خوا تایید شوی دی، د فارمونو د جوړولو ترڅنګ، به تر دې وروسته د کرنې وزارت د کب روزنې د تکثیري فارمونو پر جوړولو ډېر کار کوی، تر څو د خصوصي سکټور لپاره د کب روزنې د ودې فرصتونه برابر شي.
د کرنې وزارت ویاند وویل، چې په ۱۳۹۹ یم کال کې د کب روزنې د څلورو تکثیري فارمونو جوړولو په پار ۴۵ میلیونه افغانۍ ځانکړې شوې ده.
دا په داسې حال کې ده، چې په همدې کال کې دکرنې وزارت ددې وزارت د بڼوالۍ او مالدارۍ ملي پروژې له لارې د خصوصي سکټور پانګوالو لپاره د کب روزنې ۸۰ فارمونه جوړوي.
اکبر رستمي وویل، چې په وروستیو کلونو کې د کبانو د تولید د ودې په پرخه کې پانګونه ډېره شوې ده. هغه وویل، چې تېر کال د کرنې وزارت د کب روزنې ۳۵۰ فارمونه جوړ کړي دي، چې د کبانو د غوښې د تولید د زیاتوالي لامل شوي دي.
تېر کال افغانستان ۱۰ زره ټنه د کبانو غوښه تولید کړئ و، خو د کرنې وزارت په پاملرنې سره سږ کال د تولید کچه ۱۱ زره او ۵۰۰ ټنو ته ورسېد، یعني د کبانو د غوښې په تولید کې یو زر او ۵۰۰ ټنه زیاتوالی راغلی دی.

دغه زیاتوالی د ۳۵۰ نوي فارمونو په جوړولو سره لاسته راغلی دی. تېر کال په ټول هېواد کې د کب روزنې د فارمونو شمېر دوه زره وه خو سږ کال د ۳۵۰ نوي فارمونو په جوړلو سره یې شمېر دوه زره او ۳۵۰ فارمونو ته ورسېد.

باید وویل شی، په دې وروستیو کې د کرنې، اوبولګولو او مالدارۍ وزارت له خوا په هېواد کې د کب روزنې دودې په پار چې کومه طرحه جوړه شوې ده، د اقتصادي عالي شورا له خوا تایید شوی دی.

تازه ترین اخبار

چهارشنبه ۱۴۰۴/۷/۱۶ - ۱۴:۵۸
Background image

ننګرهار کې بزګرانو ته د ناروغیو مخنیوي اوبڼونو ښه مدیریت په موخه روزنه ورکړل شوه

۱۶ تله ۱۴۰۴ هـ.ش
۱۵ رَبِیعُ الْثاني ۱۴۴۷ هـ.ق
د ننګرهار د کرنې، اوبو لګولو او مالدارۍ ریاست اړوند د ګوشتې او بټې کوټ ولسوالیو بوټو ساتني مدیریت کارکوونکو په مختلفو کلیو کې بڼوالو او. . .

چهارشنبه ۱۴۰۴/۷/۱۶ - ۱۴:۳
Background image

کندز کې د کرنې او کلیو پراختیا سکټور د همغږۍ غونډه ترسره شوه

۱۶ تله ۱۴۰۴ هـ.ش
۱۵ رَبِیعُ الْثاني ۱۴۴۷ هـ.ق
کندز ولایت کې د کرنې، اوبو لګولو او مالدارۍ ریاست د همکارو مؤسسو او بنسټونو سره د همغږۍ او پرمختګ په موخه غونډه وکړه. په دې ناسته کې د. . .

چهارشنبه ۱۴۰۴/۷/۱۶ - ۱۲:۴۷
Background image

د ننګرهار وادي کرنیز شرکت چارواکي: درېیم فارم څخه به سږکال نږدې درې زره ۳۰ ټنه جوار ترلاسه شي 

۱۶ تله ۱۴۰۴ هـ.ش
۱۵ رَبِیعُ الْثاني ۱۴۴۷ هـ.ق
د ننګرهار وادي کرنیز شرکت د درېیم فارم چارواپي وایي، سږ کال په دغه فارم کې شاوخوا ۴۰۳۰ جریبه ځمکه د جوارو د کرلو لپاره ځانګړې شوې ده، چې د. . .

بازگشت