۱۳۹۹یم مالي کال کې د بغلان د کرنې ریاست عمده فعالیتونه

۲۶ تله ۱۳۹۹
د بغلان د کرنې ریاست په ۱۳۹۹یم مالي کال کې، په بېلابېلو پراختیایي برخو له ډلې، بڼوالۍ، مالدارۍ، اوبولګولو، د څړځایونو تنظیم، بنسټیزې پروژې پلي کول، د غنمو، شولې او پنبې ننداریزې قطعې جوړول، له حیواني او نباتي افتونو سره مبارزه، مصنوعي القاح له لارې د څارویو د نسل اصلاح او د کرنې او مالدارۍ د نویو لارو چارو د دودولو په برخه کې پراخ فعالیتونه تر سره کړي دي.
یاد ریاست، چې تر دې دمه د خپل پراختیایي بودیجې ۶۶ سلنه لګولې ده، نږدې ۱۱ زره اوسیدونکي ددې ریاست له پراختیایي برنامو څخه برخمن شوي دي.
۸۰۰ هکټار ځمکې د خړوبولو تر پوښښ لاندې راوستل او په بغلان ولایت کې د څه باندې یوزر او ۲۰۰ جریبه بڼونه جوړول په ۱۳۹۹یم کال کې ددې ریاست نور عمده کړنې دي.