کونړ کې د کېلو ونو ازمایښتي فارم جوړشو
١١ ورى ١٣٩٩
د کونــړ ولایت د کرنې ،اوبولګولو او مالدارۍ ریاست وايي چې په دې ولايت کې د کېلو د بڼوالۍ د توافق، څیړنې او تکثیر په پار په خاص کونړ ولسوالۍ کې په یونیم جریب ځمکه کې په ازمایښتي ډول د کېلو ونې کېنول شوې، تر څو وپوهیږي چې د کونړ سیند په امتداد باندې د کېلو نبات څومره اقلیمي توافق لري او کوم ډول يې ښه حاصلات ورکوي، چې له دغو تجاربو څخه په استفادې به د سیند څخه په لاس راتلونکو ځمکو کې د باغونو په جوړېدو کې ګټه واخلي.
