کنړ کې د اوبولګولو د یوې کانال د رغولو چارې بشپړ او ګټې اخیستنې ته سپارل شوه
۲۷ تله ۱۳۹۸
د کنړ د کرنې اوبولګولو او مالدارۍ ریاست له خوا ددې ولایت په شیګل ولسوالۍ کې د «موڼې» د اوبولګولو کانال د رغولو چارې بشپړ او ګټې اخیستنې ته وسپارل شوه.
د کنړ د کرنې ریاست چارواکي وایي، دغه کانال چې ټولیز اوږدوالی یي څلور کیلو مترو ته رسیږي شاوخوا ۳۰۰ جریبهکرنیزې ځمکې خړوبوي.
یاد کانال د کرنې وزارت په کرونده کې د اوبو دتنظیم پروژې له خوا د دوه میلیونه او ۴۴۱ زره او ۷۶ افغانیو په لګښت رغول شوې ده.
د اوبولګولو دیاد کانال د جوړولو په ترڅ کې د سیمې یو شمېر اوسیدونکو ته د کار زمینه هم برابره شوې وه. د یادونې وړ ده، چې د یاد کانال په جوړولو سره به د اوبو په ضایعاتو کې د پام وړ کمښت راشي او د کروندګرو د حاصلاتو د لوړېدو لامل به هم شي. یاد کانال ۴۰ سلنه د اوبو له ضایعاتو څخه مخنیوی کوی او همداراز د هغو ځمکو کرنیز محصولات به هم ۲۰ سلنه لوړ شي چې، د دې کانال له لارې خړوبیږي.