کندهار کې د چرګانو روزنې فارمونو ستونزو ته د رسېدنې په پار غونډه دائره شوه

د کندهاردکرنې، اوبولګولو او مالدارۍ ریاست چارواکو ددې ولایت د چرګانو روزنې فارمونو ستونزو ته د رسېدنې په پار د همغږۍ غونډه دائره کړه.
دغه غونډه، چې د کندهار دکرنې رییس الحاج مولوی فضل الباري فضلي په مشرۍ دائره شوې وه په کې، د کندهار دکرنې ریاست دکرنیزو چارو آمر الحاج مولوی شمس الرحمن موسی، د مالدارۍ او حیواني روغتیا آمر حاجي محمد حامد، د افغان طیوري شرکت رییس قاري اسماعیل مخلص، د کندهار پوهنتون استاد انجنیر مختار احمد فیض او د یوشمېر فارمونو استازو ګډون درلود. 
د غونډې په پیل کې دکندهار دکرنې رییس الحاج مولوی فضل الباري فضلي وویل: «د افغانستان اقتصاد تر ډېره په کرنه او مالدارۍ ولاړه ده، باید یادو برخو ته ډېره پاملرنه او کار ووشي او د کندهار ولایت باید د کرنې او مالدارۍ په برخه کې پر ځان بسیاشي.»
په همدې حال کې د افغان طیوري شرکت رییس وویل، چې یاد شرکت د افغانستان په کچه فعالیت کوي، هغه وویل: «زموږ موخه د چرګانو روزنې د برخې کیفیت لوړول او بیې ټیټول دي، موږ غواړو چې په یاده برخه کې د هېواد ځوانانو ته د کار زمینه برابره کړو او د کندهار ولایت د چرګانو روزنې په برخه کې پر ځان بسیا کړو.»
هغه د کندهار دکرنې له رییس څخه وغوښتل، چې ددې ولایت د چرګانو روزنې فارم لرونکو ستونزو ته رسېدنه وکړي.
په همدې حال کې د کندهار ولایت د چرګانو روزنې یوشمېر نورو فارم لرونکو هم خپلې ستونزې او غوښتنې دکندهار دکرنې له رییس سره شریکې کړې، چې د کندهار دکرنې رییس د دوی ستونزو او ننګونو ته د رسېدنې او دوی ته د اسانتیاوو برابرولو په پار د هر اړخیزې همکارۍ ډاډ ورکړ.