کندهار کې د نیالګیو روزنځایونو او سبو څخه څارنه او د مورنیو تخمونو نمونې واخیستل شوې
۷ زمری ۱۴۰۳ه.ش
۲۲ مُحَرَّمُ الحَرام ۱۴۴۶ه.ق
دهلمند ولایت د کرنې، اوبولګولو او مالدارۍ ریاست اړوند، د سوېل لوېدیځ زون د تخمونو تصدیق ورکولو امریت کارکوونکو لخوا، په کندهار ولایت کی د مورنیو نیالګیو له روزنځایونو او سبو څخه څارنه ترسره او همدارنګه د غنمو اصلاح شویو تخمونو څخه یو شمېر نمونې واخستل ترڅو لابراتواري ازموینه ورباندې ترسره شي.
د څارنې او ارزونې په لړ کې د نیالګیو هغه مورني بڼونه چې د نورو ونو د اصلاح لپاره ورڅخه پیوند او قلمې اخیستل کېږي او همدارنګه د سبو، پنبې او بینډیو څخه د تخمونو د تولید په موخه ګټه اخیستل کېږي له نږدې ورڅخه لیدنې او کتنې ترسره شوې اړونده مسؤلو ځمکوالو ته یې په اړه لازمې سپارښتنې وشوې.
ددې ترڅنګ د احمدبریالی د اصلاح سویو تخمونو تولیدی شرکت د ٩٠ متریک ټنه تصدیقي غنمو څخه ٩ نمونې، د صحرایي لوی کندهار شرکت د ٢٠ ټنه بنیادي غنمو څخه ٢ نمونې او د همدې شرکت د ٨٠ ټنه تصدیقي غنمو څخه ٨ نمونې واخستل شوې.
دغه نمونې به د لابراتوار په وسیله وارزول شي، چې سالمو تخمونو ته به تصدیق ورکول کېږي او غیرې سالم تخمونه به رد شي.
