کندز کې د کرنیزو محصولاتو مدیریت پروژې په بشپړېدو دي

content_admin
پنجشنبه ۱۳۹۹/۹/۲۷ - ۱۶:۳۲
کندز کې د کرنیزو محصولاتو مدیریت پروژې په بشپړېدو دي

۲۷ لیندۍ ۱۳۹۹
د کرنې، اوبولګولو او مالدارۍ وزارت د کرنیزو محصولاتو مدیریت پروژې له خوا، چې په دې وروستیو کې دکندز په ولایت کې د ۱۶۹کرنیزو پروژو چارې پیل شوي وې، رغنیزې چارې یې نږدې ۹۲ سلنه بشپړ شوي دي، چې په څو ورځو کې به یې پاتې چارې بشپړ او ګټې اخیستنې ته به وسپارل شي.
دکندز دکرنې رییس عبدالهادي قرلق وایي، چې په دغو پروژو کې د پیازو ۱۰۵ زېرمتونونه، ۶۰ ممیزخونې او د تازه مېوو څلور سړې خونې جوړول شامل دي، چې چارې یې تر ۹۲ سلنه بشپړ شوي دي.
ښاغلی قرلق وویل، چې ددغو پروژو په بشپړېدو سره ددې ولایت بڼوال او بزګران کولای شي، چې خپل کرنیز محصولات په سمه توګه وساتي او په مناسب وقت او مناسبه بیه یې بازار ته وړاندې کړي.
دغه پروژې، چې دکندز ولایت د مرکز ترڅنګ ددې ولایت په امام صاحب، دشت ارچي، چهاردرې، خان اباد، علي اباد او ګل تپې ولسوالیو کې پلي کیږي، ټولیزلګښت یې څه باندې۸۵ میلیونه او۵۹۹ زره او۸۱۷ افغانۍ ده، چې ۹۰ سلنه یې د کرنې وزارت او لس سلنه نور یې برخمن شوي بزګران ورکوي.
یادې پروژې دکرنیزومحصولاتومدیریت، د بڼوالو او بزګرانو د محصولاتو خوندي کولو او د دوی د عوایدو زیاتولو په پار د کرنې، اوبو لګولو او مالدارۍ وزارت له لورې د کرنیزو محصولاتو مدیریت د پروژې په اډانه کې پلي شوي دي.

تازه ترین اخبار

سه‌شنبه ۱۴۰۱/۷/۱۲ - ۱۵:۲۵
Background image

کونړ کې په نږدې پنځه زره کروندګرو د سبو تخمونه ووېشل شو


۱۲ تله ۱۴۰۱ه‍.ش
۸ ربیع‌الاول ۱۴۴۴ ه‍.ق
د کونړ دکرنې، اوبولګولو او مالدارۍ ریاست د AHP په مالي او د سرچ مؤسسې په تخنيکي مرسته ددې ولايت په شيګل او مرورې ولسوالی کې په۴۹۰۰ کروندګرو د. . .

سه‌شنبه ۱۴۰۱/۷/۱۲ - ۱۵:۶
Background image

کندز کې د کرنیزو څېړنیزو پروګرامونو د پلي کولو لپاره کرنیز عملیات پیل شو


۱۲ تله ۱۴۰۱ه‍.ش
۸ ربیع‌الاول ۱۴۴۴ ه‍.ق
د کندز دکرنې، اوبولګولو او مالدارۍ ریاست وايي چې  د کندز د کرنې ریاست د رهبرۍ د لارښوونې پر بنسټ، د کرنې د چارو عملي چارې، چې (د ځمکې چمتو کول او. . .

سه‌شنبه ۱۴۰۱/۷/۱۲ - ۹:۰
Background image

‎کونړ کې د کبانو په ۱۸ فارم لرونکو د کبانو خوراکه اواړین توکي ووېشل شول

د کونړ دکرنې، اوبولګولو او مالدارۍ ریاست د مالدارۍ ځنځیري ارزښت پروژې د( USAID-DAI ) په مرسته د کونړ  ولايت په نرنګ، سرکاڼو او څوکۍ ولسوالیو کې په ۱۸ کب روزونکو د کبانو خوراکه او اړین. . .

بازگشت