کرنې وزارت د هېواد په شمال کې، د پستې دوه زره او ۵۰۰ سوداګریز بڼونه جوړوی
۲۵ غبرګولی ۱۳۹۸
د کرنې، اوبولګولو او مالدارۍ وزیر نصیر احمد درانی د بلخ په نهرشاهي ولسوالۍ کې د پستې له سوداګریزو بڼونو څخه لیدنه وکړه. د کرنې وزارت د بڼوالۍ او مالدارۍ ملي برنامه «NHLP» تېر کال په بلخ کې د پستې درې زره جریبه سوداګریز بڼونه جوړ کړي دي. ټاکل شوې ده، چې روان کال هم د هېواد په شمال کې د پستې دوه زره او ۵۰۰ جریبه بڼونه جوړ شي، چې ۵۰۰ جریبه به یې د بلخ په ولایت کې وی.
دغه راز د کرنې وزیر د نهرشاهي ولسوالۍ د للمي کارو بزګرانو له کروندو څخه هم لیدنه وکړه. باید وویل شي، چې د زیاتو ورښتونو له امله به روان کال د للمي کروندې ښه حاصلات ولري.
