پکتیکا کې ۲۵۰ کورنیو لپاره د چرګانو روزنې واړه فارمونه جوړ شول
![پکتیکا کې ۲۵۰ کورنیو لپاره د چرګانو روزنې واړه فارمونه جوړ شول](https://www.mail.gov.af/sites/default/files/2019-11/75246637_2826894624001786_1742049287992246272_o.jpg)
۲۰ لړم ۱۳۹۸
د کرنې، اوبولګولو او مالدارۍ وزارت؛ د بڼوالۍ او مالدارۍ ملي برنامې «NHLP» له خوا د بېوزله کورنیو د ملاتړ په لړ کې داځل د پکتیکا یوسف خیلو ولسوالۍ کې ۲۵۰ بېوزله کورنیو لپاره د هګیو چرګانو ۳۰ قطعه یې فارمونه جوړ شول.
د پکتیکا د کرنې، اوبولګولو او مالدارۍ ریاست چارواکي وایي، چې پر دغو ۲۵۰بېوزله کورنیو پر هرې کورنۍ ۳۰ د هګیوچرګان، د چرګانو خوراکي توکي، واکسینونه، درمل او نور اړین توکي وېشل شوي دي.
ددې پروژې له پلي کولو څخه موخه په پکتیکاولایت کې د چرګانو روزنې صنعت ته پراختیا ورکول، په کور دننه مېرمنو ته د کار زمینه برابرول، د کورنیو د خوړو خوندیتوب او له دې لارې د بېوزله کورنیو اقتصادي پیاوړ تیا ده.