پکتیا کې یوشمېر مالدارانو سره د څارویو د خوراکي توکو مرسته وشوه
![پکتیا کې یوشمېر مالدارانو سره د څارویو د خوراکي توکو مرسته وشوه](https://www.mail.gov.af/sites/default/files/2024-07/img-20240727-wa0091.jpg)
د پکتیا د کرنې، اوبولګولو او مالدارۍ ریاست له خوا د افغانستان لپاره د هالند کمیتې په همکارۍ ددې ولایت په مرکز ګردیز، احمدابا او سیدکرم ولسوالیو کی پر ۳۶۰ تنو اړمنو مالدارانو د څارویو خوراکي توکي ووېشل شو.
د دغو مرستو د وېش په موخه جوړه شوې غونډه کې د پکتیا د کرنې او مالدارۍ رییس مولوی سیدامین هاشمي سربېره د یاد ریاست د مالداری څانګې کارکوونکي، د همکارې مؤسسې مسؤولینو او مالدارانو ګډون کړی وو.
د پکتیا د کرنې رییس د یادې مؤسسې له مسولینو څخه د مننې ترڅنګ هغوی ته د هر راز همکارۍ ډاډ ورکړ او مالدارانو ته په خطاب کې وویل؛ کومه مرسته چه تاسو ته درکول کېږي باید تخنیکي لارښونو سره سم خپلو مالونو ته ورکړئ.
باید وویل شی د دې پروسې په لړ کې هر مالدار د څارویو ۱۰۰ کیلوګرامه خوراکي توکي ویشل شوی دی.
په پکتیا کې ددغه راز مرستو څخه موخه د مالدارانو لاس نیوۍ، د مالدارۍ سکټور د پیاوړتیا او د لبني محصولاتو د زیاتوالۍ ښودل شوی دی.
ویل کېږي برابرشوي خوراکي توکي له زیاتو تغذیه کوونکو توکوڅخه جوړ شوي دي، چې د وريو په چاقولو کې به اساسي رول ولري.