پکتیا کې د جلغوزیو ځنګلونو د پراختیا په پار هلې ځلې
د پکتیا دکرنې، اوبولګولو او مالدارۍ ریاست چارواکي وایي، چې ددې ولایت د جلغوزیو ځنګلونو د بیارغونې او پراختیا په پار د یاد ولایت د مرزکې ولسوالی کې د جلغوزیو ځنګلونو د بیارغونې او پراختیا په پار پروژه پلي شوې ده.
د پکتیا دکرنې ریاست چارواکي وایي، چې ددې پروژې په ترڅ کې د یادې ولسوالی په نیازبیک سیمه کې په نږدې ۲۰ هکټاره ځمکه کې د جلغوزیو تخم په نېغه په ۲۴۰۰ زره کندو کې کرل شوي دي.
د پکتیا دکرنې، اوبولګولو او مالدارۍ ریاست د طبیعي سرچینو آمر قاري عبدالباقي مهاجر وویل، چې ددی پروژې په پلي کولو سره ځایې خلکو ته د کارزمینه برابره شوې وه، چې چارې یې د ۶۱ نفرو ته په ۱۵ ورځو په موده کې بشپړ شوي دي.
ددې پروژې د پلي کولو موخه د پکتیا ولایت د جلغوزیو ځنګلونو بیارغول او پراختیا، خلکو ته کارموندنه او په ټوله کې ددې ولایت زرغونتیا ته زمینه برابرول دي.
