هلمند کې یوشمېر نارینه او ښځینه بزګران وروزل شول
۲۱ لېندۍ ۱۳۹۸
د هلمند د کرنې، اوبولګولو او مالدارۍ ریاست ددې ولایت د مرکز لښکرګاه، نادعلي او نهر سراج ولسوالیو ۵۰۰ نارینه او ښځینه و کروندګرو ته د سبو د ناروغیو او افتونو د هر اړخیز کنټرول په موخه عد ملي او نظري روزنې ترڅنګ پر دغو کروندګرو د کرکېلي اړین کېټونه هم وېشلي دي.
د هلمند د کرنې، اوبولګولو او مالدارۍ رییس زلمی الکو وایي، چې د مرسي کور بدیل معیشت پروګرام په همکارۍ ددې ولایت ۵۰۰ نارینه او ښځینه کروندګرو ته د سبو د ناروغیو او افتونو د هر اړخیز کنټرو د روزنې ترڅنګ اړین کېټونه هم ورکړل شوي دي.
ښاغلی الکو وایي، چې د هلمند دکرنې ریاست ددې ولایت د کرنیزو توکو د اصلاح او پیاوړتیا او دغه راز د نارینه او ښځینه و کروندګرو او بېوزله کورنیو د لاسنیوی په موخه بېلابېل پروژې په لاره اچوي تر څو کروندګر مشروع کرکېلي ته مخه کړي او له دې لارې خپل اقتصاد پیاوړي کړي.
دغه روز نیز پروګرام په دې ولایت کې د بوټو د افتونو د هر اړخیز کنټرول په موخه په لاره اچول شوې ده.