هلمند کې د ځمکې غصب مخنیوي تخنیکي پلاوي غونډه دائره شوه
١۷ غویی ۱۴۰۳ه.ش
٢۷ شَوّال المُکَرَّم ۱۴۴۵ه.ق
د هلمند ولایت د ځمکې د غصب مخنيوي او غصب شویو ځمکو د تثبیت تخنیکي پلاوي خپله ۱۰۴ مه نوبتي غونډه ترسره کړه.
په یاده غونډه کې د یادې کمېټې رییس الحاج مولوی نیاز محمد وهاج تر څنګ دهلمند ولایت د استخباراتو ریاست رییس الحاج مولوی ناظم، د امنیې قوماندانۍ مرستیال الحاج ملا اغاولي نوراني، د کور او ښارجوړولو چارو رییس الحاج مولوي نیک محمدمعتصم، د سرحدونو او قومونو چارو رییس الحاج مولوي عبدالهادي حماد، د هلمند مستوفي الحاج ملا نعمت الله مغیره، د امارتي قضایاو آمر مولوي عبدالقاهر عاصم او د ځمکو د تنظيم آمریت کارمند انجنیر حامد بشیري هم حضور درلود.
د غونډې په پیل کې د تخنیکي پلاوي رییس الحاج مولوي نیازمحمد وهاج لخوا مرکز کابل کې د تخنیکي پلاوي لپاره د جوړ شوي سیمینار په اړه د غونډې ګډونوالو ته معلومات وړاندې کړل، هغه ټول هغه علمي موضوعات چې د سیمینار ګډونوالو ته په مرکز کې ارائیه شوي ؤ د هلمند تخنیکي پلاوي سره شریک کړل.
وروسته په مرکز لښکرګاه کې د سولې څلور لارې ته څېرمه د ٤ بابه تجارتي مارکېټونو، په ٩ حوزه کې د اداري سیمي، په بولان کې د ٣ بابه تجارتي مارکېټونو، د اختصاصي محکمې لخوا محول شوي عرایض، د هلمند او ارغنداب سیند پر غاړه د ٢٩٠ جریبه ځمکې موضوع، د غازي ایوب خان او سردارګل محمد خان مینې موضوعاتو چې نسبتي دوسې یې د تخنیکي پلاوي تر بررسۍ لاندې دي بحث او خبرې وشوې چې په ګڼو مواردو کې ورباندې لازم تصمیمونه ونیول شول.
په دې غونډه کې د هلمند ولایت مقام، مربوطه محاکمو او نورو امارتي ادارو لخوا راغلي موضوعات هم تر بحث لاندې ونیول شول چې په اړه یې مربوطه مسؤلینو ته سپارښتنې وشوې.
همدارنګه دامارتي ځمکو د غصب مخنیوی کمیسون لخوا راغلي هدایتونه او مکتوبونه هم ولوستل شول، چې پر وخت به ورباندې لازمې کړنې ترسره کړل شي.
وروستیو کې د یوشمېر انفرادي اشخاصو عرایضو او املاکي موضوعات هم وارزول شول، دبېلابېلو اشخاصو ستونزو ته د حل په برخه کې داصولي کړنو ډاډ ورکړل شو.
