هرات کې د انګورو حاصلات ۱۵ سلنه زیاته شوې

mail-admin
چهارشنبه ۱۳۹۸/۵/۹ - ۱۵:۸
افزایش ۱۵ درصدی حاصلات انگور در هرات

۹ زمری ۱۳۹۸

د هرات ولایت د کرنې، اوبولګولو او مالدارۍ ریاست چارواکي وایي، چې ددې ولایت د انګورو بڼونو ارزونې او حاصلات ښیي، چې سږکال د دغه ولایت د انګورو حاصلات د تېر کال په پرتله ۱۵سلنه زیاته شوې ده.

دهرات ولایت د کرنیزو چارو امر بشیراحمد احمدي دغه زیاتوالی بې مخینه بولي او زیاتوی: «په هرات کې په ټولیزه توګه په اته زره هکټاره ځمکه کې د انګورو بڼونه جوړ شوي دي. د سږکال د ارزونو پر اساس به زموږ د تولید کچه څه باندې ۱۳۵ زره مټریک ټنه وی.»

د هرات بڼوال هم د خپلو انګورو بڼونو حاصلاتو ته خوښ دي او وایي، چې په دې ولایت کې د تېر کال په پرتله د انګورو حاصلات ډېر شوي او دوی یې لامل، «د انګور بڼونو په برخه کې د کرنې وزارت همکارۍ، د نباتي افت وژونکو پروخت وېش او ددې وزارت سالمې لارښوونې» بولي.

د هرات ولایت د انجیل ولسوالۍ یو تن بڼوال عبدالزبیر«پیرمرد» وایي: «زما د انګورو د بڼونو حاصلات د نورو کلونو په پرتله ډېر ښه دي، بڼونه مې پراخې شوي او د تاکونو افتونه کم شوي دي.»

دا په داسې حال کې ده، چې تېر کال د هرات ولایت د انګورو بڼونو د کرکېلي سیمه اووه زره او ۷۰۰ هکټاره او لاسته راغلي حاصلات یې ۱۲۰ زره ټنو ته رسېده. د هرات په ولایت کې د انګورو څه باندې ۴۸ ډوله (ورایټۍ) موجودې دي، چې مشهور هغه یې لعل، حیطه، فخري، شینگل‌خاني، میراحمدي او کشمشي دي.

تازه ترین اخبار

شنبه ۱۴۰۴/۴/۱۴ - ۱۱:۳۸
Background image

د لغمان دوو ولسوالیو کې د څارویو د طبق ناروغۍ د درملنې او د کانګو ناروغۍ د مخنیوی کمپاین پیل شو

۱۴ چنګاښ ۱۴۰۴ ه‍.ش
۹ مُحَرَّمُ الحَرام ۱۴۴۷ه‍.ق
دلغمان دکرنې، اوبولګولو او مالدارۍ رییس الحاج مولوي عبدالستار محمد په داسې حال کې، چې د هالینډ کمیټې ولایتي مسؤل ډاکټرمحمدبیدار سیرت او. . .

شنبه ۱۴۰۴/۴/۱۴ - ۱۰:۲۰
Background image

د بلخ چهاربولک ولسوالی کې یوشمېر بڼوالو سره د کرنیزو توکو مرسته وشوه

د بلخ ولایت د کرنې، اوبولګولو او مالدارۍ ریاست په هڅو، د پاملرنې مؤسسې په همکارۍ ددې ولایت د چهاربولک ولسوالی ۱۰۴بڼوالو سره دکرنیزو توکو او درملو مرسته ترسره شوه.
ددغو مرستو په ترڅ کې د. . .

شنبه ۱۴۰۴/۴/۱۴ - ۱۰:۱۷
Background image

د کندهار پنجوايي ولسوالی کې بزګرانو او مالدارانو ته د سپما او خپلمنځي ملاتړ روزنیز پروګرام پیل شو

د کندهار د کرنې، اوبو لګولو او مالدارۍ ریاست د هڅو په پایله کې، د اسلامي هوساینې مؤسسې (آی. آر) په مالي ملاتړ او د پنجوايي ولسوالی د کرنې او مالدارۍ مسؤلینو تر څارنې لاندې، د یادې. . .

بازگشت