نړيوال بانک له خوا د EATS پروژې بوديجه کې ۵۷.۵ ميليون ډالر زياته شوه

mail-admin
پنجشنبه ۱۴۰۰/۴/۲۴ - ۱۷:۱۹
نړيوال بانک له خوا د EATS پروژې بوديجه کې ۵۷.۵ ميليون ډالر زياته شوه

۲۴ چنګاښ ۱۴۰۰
نړيوال بانک دکرنې او خوړو خونديتوب بېړنۍ پروژې (‏EATS‏)  سره ۵۷.۵ ميليون ډالر نوره مرسته هم وکړه.         د جولای له ۱۲تر ۱۵ نېټې پورې د نړيوال بانک له خوا د EATS پروژې د فعاليتونو ارزونه وشوه،  چې په پایله کې يې ددې پروژې فعاليتونه مثبت وارزول. په هغه انلاين غونډه کې،  چې دکرنې وزارت د اوبولګولو او طبيعي سرچينو مرستيال هم  ګډون درلود ددې ارزونې پايله د چارواکو له خوا ګډونوالو سره شريک شو.
دکرنې وزارت د اوبولګولو او طبيعي سرچينو مرستيال حشمت‌الله غفوري، ددې پروژې چارواکو او دکرنې وزارت اړوندو برخو ته هدايت ورکړ، چې د نړيوال بانک له خوا پر ټاکلې نېټه دې خپلې چارې بشپړ کړي.
د نړيول بانک د دې ارزونې د ماموريت غړي وويل، چې د کرنې او خوړو خونديتوب بېړنۍ پروژې EATS د اغېزمنو فعاليتونو په پار ياد بانک ددې پروژې د فعاليتونو د لاښه پر مخ وړلو په پار د يادې پروژې په بوديجه کې ۵۷.۵ميليونه ډالر نور هم ور اضافه کوي، چې له دې پيسې څخه به ۲۰ ميليون ډالره يې دکابل، هرات، بغلان او کندهار په ولايتونو کې د څلورو سيلوګانو جوړولو او بيارغونې په پار لګول کېږي.  
د ياد ماموريت د غړو په ټکو ۳۷.۵ ميليون ډالر نورې پيسې يې د هېواد په ۳۴ ولايتونو کې د اوبولګولو شبکو په بيارغونه، د اصلاح شويو تخمونو وېش، د صفر انرژۍ سړو خونو جوړول او د متراکمو بڼونو د رغولو په برخه کې لګول کېږي.
دکرنې او خوړو خونديتوب بېړنۍ پروژه د ۱۰۰ميليونه ډالرو په ارزښت د ۲۰۲۰ کال په سپټامبر کې پيل شو چې، بوديجه يې په ګډه د افغانستان دولت او نړيوال بانک له خوا ورکول کېږي. د نړيوال بانک له خوا ددې پروژې په بوديجه کې اوس  ۵۷.۵ میلیونه نور ډالر هم ور زياته شوې ده.

تازه ترین اخبار

چهارشنبه ۱۴۰۵/۸/۲۷ - ۱۵:۴۹
Background image

سویل ختیځ زون کې د کانګو وینه بهېدونکې تبې د مخنیوي کمپاین پیل شو

۲۷ لړم ۱۴۰۵ هـ.ش
۷ جُمَادَى الثانی ۱۴۴۸ هـ.ق
د پکتیا د کرنې، اوبو لګولو او مالدارۍ ریاست په هڅو؛ د ملګرو ملتونو د خوړو اوکرنې ادارې په مالي لګښت، د کانګو تبې وینه بهېدونکې ناروغۍ د. . .

چهارشنبه ۱۴۰۵/۸/۲۷ - ۱۵:۳۴
Background image

ننګرهار کې د کوچنیو کاروبارونو د پراختیا په موخه ۶۷ کسانو ته دوه ورځنی روزنیز ورکشاپ پیل شو

۲۷ لړم ۱۴۰۵ هـ.ش
۷ جُمَادَى الثانی ۱۴۴۸ هـ.ق
د ننګرهار کرنې، اوبولګولو او مالدارۍ ریاست په هڅو، د افغانستان لپاره د هالینډ کمېټې په تخنیکي همکارۍ او د کرنې نړۍوال پراختیایي صندوق «آی‌اف. . .

چهارشنبه ۱۴۰۵/۸/۲۷ - ۱۵:۳۲
Background image

پکتیکا کې د کوکنارو د بدیل کښت پروژې اړوند د بادامو په بڼونو کې د څاڅکي اوبو لګولو سیسټم لګولو چارې ۷۷ سلنه بشپړې شوې

۲۷ لړم ۱۴۰۵ هـ.ش
۷ جُمَادَى الثانی ۱۴۴۸ هـ.ق
د پکتیکا ولایت په مرکز «ښرنه» کې د کوکنارو د بدیل کښت د پراختیايي پروژې اړوند، د بادامو په ۲۵ جریبه بڼونو کې د څاڅکي اوبو لګولو سیسټم لګولو. . .

بازگشت