ننګرهار کې یوشمېر بزګرانو ته د کرنيزو عمليو تر سره کولو په موخه روزنه ورکړل شوه
د ننګرهار د کرنې، اوبو لګولو او مالدارۍ رياست د کرنيزو مدیريتونو کار کوونکو له لوري په هسکه مېنه، حصارک او خوږیاڼو ولسوالیو کې ۳۰ بزګرانو ته د ناروغيو مخنيوي، ځنګلونو ساتني او غوره کرنيزو عمليو تر سره کولو په موخه روزنه ورکړل شوه.
په یادو ولسوالیو کې بزګرانو ته د آلوګانو، لیړوګانو کرلو، ځنګلونو ساتني، ارزښت او میوه لرونکو ونو تعداد په یو جریب کې ، بڼوالۍ ډیزاین، کرنیزو عملیو، حاصل ټولولو، هرزه وښو مخنیوي او افاتو د هراړخیز کنټرول په موخه معلومات ورکړل شول.
د ننګرهار د کرنې، اوبولګولو او مالدارۍ ریاست هڅه کوي، د خپلو متخصصینو پر مټ بزګرانو او بڼوالو ته د ناروغیو او افاتو په اړه پر وخت معلومات وړاندې ترڅو د ناروغیو مخنیوي وشي او بزګران له زیانونو وژغورل شي.
