ننګرهار کې شاړو ځمکو ته د اوبو رسولو نهه شبکي جوړېږي

mail-admin
دوشنبه ۱۴۰۴/۱/۴ - ۱۳:۱۸
ننګرهار کې شاړو ځمکو ته د اوبو رسولو نهه شبکي جوړېږي

۴ وری ۱۴۰۴ ه‍.ش
۲۴ رَمَضانُ المُبارَک ۱۴۴۶ه‍.ق
د ننګرهار د کرنې، اوبو لګولو او مالدارۍ ریاست سره په همغږۍ له جرمونو او مخدره توکو سره د ملګرو ملتونو د مبارزې ادارې له خوا ددې ولایت په ګوشتي، کامه، سره رود او لعلپورې ولسوالیو کې هغو ځمکو ته چې د سیند څخه په لوړه ارتفاع کې پرتې وې او اوبه نه ور رسېږي د سولر سیستم په مرسته ورته د اوبورسولو سیسټم جوړېږي.
د ملګرو ملتونو د پروژه یي چوپړتیاوو اداري د اوبو دچټکي بیا رغونې پروژي د دولتي او ټولنیزې همغږۍ مسؤل ذاکر الله ذکي وویل، چې «یو،ان،او،پي،اس» په یادو ولسوالیو کې ځمکو ته د اوبو رسولو ۹ شبکي جوړوي، چې پدې سره به ۱۸۰۰ جریبه ځمکه اباده او خړوبه شي.
ښاغلي ذکي زیاته کړه، چې ددغو پروژو په بشپړېدو سره به څه باندې ۶ زره کسانو ته په مستقیم او غیر مستقیم ډول د کار زمینه هم برابره شي او همدارنګه به یادې پروې خصوصي سکتور ته په واک کې ورکړل شي او داصولو له مخې به د بزګرانو سره د اوبو رسولو په برخه کې مرسته وکړي.
دغه راز د ملګرو ملتونو د کرنې او خوړو ادارې له لورې به دبزګرانو سره د اصلاح شوي تخمونو، کیمیاوی سرو، کرنیزو وسایلو او روزنې په برخو کې مرستي هم وکړي.
د ننګرهار د کرنې، اوبو لګولو او مالدارۍ رییس مولوي محمد ولي محسن یاده چاره داوبو ښه مدیریت په برخه کې نیک اقدام وباله او په ټولو قانوني برخو کې همکارۍ ډاډ ورکړ.

تازه ترین اخبار

سه‌شنبه ۱۴۰۴/۳/۱۳ - ۱۷:۲۹
Background image

خوست کې د څارویو لپاره د وینه‌بهېدونکې تبې او چینجیو پر وړاندې د وقایوي کمپاین څارنه وشوه


۱۳ غبرګولی ۱۴۰۴ ه‍.ش
۶ ذُو الحِجَّةِ ۱۴۴۶ه‍.ق
د خوست ولایت د کرنې، اوبو لګولو او مالدارۍ ریاست د څارویو روغتیا او مالدارۍ آمریت آمر ډاکټر انعام الله جاوید د یاد ریاست له ځینو مدیرانو. . .

سه‌شنبه ۱۴۰۴/۳/۱۳ - ۱۰:۱۸
Background image

پکتیا کې د کانګو وینه بهېدونکې تبې د مخنیوي کمپاین څخه څارنه ترسره شوه

۱۳ غبرګولی ۱۴۰۴ ه‍.ش
۶ ذُو الحِجَّةِ ۱۴۴۶ه‍.ق
د پکتیا د کرنې، اوبو لګولو او مالدارۍ ریاست اړوند د مالدارۍ آمریت کارکوونکو له لوری د یاد ولایت د مرکز ګردیز او څمکنیو ولسوالۍ کې د کانګو. . .

سه‌شنبه ۱۴۰۴/۳/۱۳ - ۱۰:۹
Background image

هلمند کې د څارویو سټراګانو پلورنځیو څارنه وشوه

۱۳ غبرګولی ۱۴۰۴ ه‍.ش
۶ ذُو الحِجَّةِ ۱۴۴۶ه‍.ق
د هلمند ولایت د کرنې، اوبو لګولو او مالدارۍ ریاست اړوند د مالدارۍ او حیواني روغتیا امریت کارکوونکو د هلمند ولایت په مرکزي سیمه کې هغه. . .

بازگشت