میدان وردګو ولایت کې د ځمکې غصب مخنیوي او غصب شویو ځمکو د بېرته را ګرځولو تخنیکي ټیم کړنې
۱۳ کب ۱۴۰۱ه.ش
۱۱ شَعبان المُعَظّم ۱۴۴۴ ه.ق
د میدان وردګو ولایت کې د ځمکې غصب مخنیوي او غصب شویو ځمکو د بېرته را ګرځولو تخنیکي ټیم ولسوالیو ته د خپل سفرونو په لړ کې دا ځل د جغتو او سیدآباد ولسوالیو ته سفر وکړ.
د میدان وردګو ولایت کې د ځمکې غصب مخنیوي او غصب شویو ځمکو د بېرته را ګرځولو تخنیکي ټیم د میدان وردګو ولایت
اول زون تهچې د جغتو او سیداباد ولسوالیو څخه تشکیل ده د میدان وردګو ولایت مرستیال والی شیخ القران والحدیث شیراحمد حقاني په تفاهم او همغږۍ سفر وکړ او د یادو ولسوالوی له مسؤلینو قومي مشرانو او ملکانو سره یې وکتل.
په یادو ولسوالیو کې له اړوندو چارواکو او قومي مشرانو سره په غونډه کې د میدان وردګو ولایت د قضایای امارت آمر رازمحمد حلیم د یاد تخنیکي ټیم موخې او کړنې او د غصب مخنیوي کمېټې ایجاد باندې خبرې وکړې.
دغه راز د میدان وردګو ولایت د عدلیې او ښارجوړونې رییسانو هم په خپل وار سره د امیر المؤمنین حفظ الله د(4)ګڼی(1444/3/7) نېټې فرمان او مقررې په اړه د یادو ولسوالیو ملکانو او قومي مشرانو ته معلومات ورکړ اود امارتي املاکو د غصب د مخنیوي لپاره یي د سیمه ییزو چارواکو او قومي مشرانو همکارۍ اړینه وبلله.
په همدې حال کې د یادو ولسوالیو سیمه ییزو چارواکو و قومي مشرانو د میدان وردګو ولایت کې د ځمکې غصب مخنیوي او غصب شویو ځمکو د بېرته را ګرځولو تخنیکي ټیم ته د پوره همکاریو ډاډ ورکړ او ویې ویل، چې دتېر په څېر به امارت سره همکار او د غصب مخنیوی به کوي.
