لغمان کې له یوشمېر کورني بې ځایه شویو مالدارانو سره اړینې مرستې وشوې
۲۹ مرغومې ۱۳۹۹
د لغمان دکرنې، اوبولګولو او مالدارۍ ریاست وایي، چې ددې ولایت د قرغیو ولسوالۍ اړوند د کلع او کاکڅ سیمو له ۱۲۰ بې ځایه شویو مالدارانو سره اړینې مرستې وشوې
د لغمان دکرنې رییس محمدجمیل خوشحال وایي، ددې پروسې له لارې پر یادو کورنیو د څارویو د ساتنې اړینې توکي، د څارویو خوراکي توکي او ترڅنګ یې پر دوی ۲۵۸ وزې هم وېشل شوي دي.
ښاغلی خوشحال وایي، چې ددې مرستې په لړ کې هرې کورنۍ ته دوه دوه وزې، د څارویو د ساتنې اړین توکي او د څارویو خوراکي توکي ورکړل شوي دي.
دغه مرستې ددې ولایت د مالدارۍ د پراختیا ترڅنګ د بې ځایه شویو کورنیو د ملاتړ او ددوی اقتصادي ودې ته د زمینې برابرو په پار ترسه شوي دي.
