فرخار ولسوالۍ کې د کرنې کارکوونکو ته د ودانۍ جوړولو چارې پیل شوې

۱۶ لیندۍ ۱۳۹۹
د تخار د کرنې، اوبولګولو او مالدارۍ رایاست وایي، چې ددې ولایت د فرخار ولسوالۍ د کرنې کارکوونکو ته د ودانۍ جوړولو چارې پیل شوي دي.
دغه یوه پوړیزه ودانۍ په ۵۰۰ متر مربع ځمکه کې د ۱۰ میلیون او ۷۴۵ زره او ۸۵۲ افغانیو په لګښت د کرنې وزارت له بودیجې څخه جوړیږي.
ددې ودانۍ رغنیزې چارې د ښارجوړولو او ځمکو وزارت له خوا پر مخ ولړ کیږي او د راتلونکي کال د لړم تر میاشت پورې یې رغنیزې چارې بشپړيږي. یاده ودانۍ یوه صالون، څلور کاري خونې، د ساتونکو یوه خونه او څلور تشنابونه لري او ترڅنګ یې د دوه زره مترو په اوږدوالی د احاطې دېوال، شنه سیمه او تم ځای هم په کې شامل دي.