فاریاب کې سږکال ۲۴۰ زره کورني څاروي واکسین شوي دي
۲۹ سلواغه ۱۳۹۹
د فاریاب د کرنې، اوبولګولو او مالدارۍ ریاست چارواکي وایي، چې د روان کال په ترڅ کې ددې ولایت په کچه ۲۴۰ زره کورني څاروي د ساري او د انسانانو او حیواناتو ترمنځ د ګډو ناروغیو پر وړاندې واکسین شوي دي.
دغه راز سږکال د فاریاب ولایت دوه زره او ۵۶۰ مالداران هم د حیواناتو د تغذیې، د حیواني ناروغیو سره د مبارزې او دغه راز د سایلچ جوړولو د لارو چارو په برخه کې روزل شوي دي. په همدې حال کې ددې ولایت پر زیانمنو کوچیانو ۸۷ مټریک ټنه دڅارویو خوراکي توکي «کانسنټریټ» او د څارویو د ځیګر د چونجیو ضد درمل هم وېشل شوي دي.
